ആലപ്പുഴ: നെല്കര്ഷകന്റെ ചിരകാല ആവശ്യമായ നെല്ലുസംഭരണത്തിന് റിവോള്വിങ് ഫണ്ട് നീക്കിവയ്ക്കാതെ കര്ഷകരുടെ പ്രതീക്ഷയുടെ ചിറകരിഞ്ഞ ബജറ്റാണ് ധനമന്ത്രി അവതരിപ്പിച്ചതെന്ന് ബിജെപി ജില്ലാ പ്രസിഡന്റ് കെ. സോമന്. കയര്, നാളികേര മേഖലകളിലും പ്രതീക്ഷയ്ക്കൊത്ത പ്രഖ്യാപനങ്ങള് ബജറ്റിലില്ല. വിപണിയില് ഇടപെട്ട് വിലക്കയറ്റം പിടിച്ചുനിര്ത്താനാവശ്യമായ പദ്ധതികളോ പണം നീക്കിവയ്ക്കുകയോ ചെയ്തിട്ടില്ല. യുവജനങ്ങള്ക്ക് തെരഞ്ഞെടുപ്പു സമയം നല്കിയ വാഗ്ദാനങ്ങള് പ്രാവര്ത്തികമാക്കാന് ആവശ്യമായ പദ്ധതികല് ബജറ്റിലില്ല. ഗുരുദേവ ദര്ശനങ്ങള് ഉദ്ധരിച്ച് തുടങ്ങിയ ബജറ്റ് പ്രസംഗം കമ്യൂണിസം കാലഹരണപ്പെട്ടതിന്റെ സാക്ഷ്യപത്രമായി. എല്ലാവര്ക്കും വീട്, വൈദ്യുതി, കുടിവെള്ളം തുടങ്ങി പ്രഖ്യാപനങ്ങള് മോദി സര്ക്കാരിന്റെ പദ്ധതികല് കടമെടുത്തതാണ്. ഭൂമിയില്ലാത്തവര്ക്ക് മൂന്നു സെന്റ് ഭൂമി നല്കുമെന്ന പ്രഖ്യാപനം അപര്യാപ്തമാണെന്നും തീരസംരക്ഷണത്തിന് ബജറ്റില് മതിയായ പദ്ധതികളില്ലെന്നും കെ. സോമന് കുറ്റപ്പെടുത്തി.
ബജറ്റ് കര്ഷകന്റെ പ്രതീക്ഷയുടെ ചിറകരിഞ്ഞു: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.