അമ്പലപ്പുഴ: പുറക്കാടും അമ്പലപ്പുഴയിലും കടല്ക്ഷോഭം രൂക്ഷമാകുന്നു. പുറക്കാട് ഒരുവീടുകൂടി തകര്ന്നു. കഴിഞ്ഞ രണ്ടുദിവസമായി പുറക്കാട് വളഞ്ഞവഴി ഭാഗത്താണ് കടല്കലിതുള്ളി ജനങ്ങളെ ഭീതിയിലാഴ്ത്തുന്നത്. നീര്ക്കുന്നത്ത് പുതുവല് സത്യപാലന്, പ്രഭ, ബാലചന്ദ്രന്, സുതപ്പന്, ശാന്തകുമാരന്, പൊന്നപ്പന് എന്നിവരുടെ വീടുകള് ഏതുനിമിഷവും തകരാവുന്ന സ്ഥിതിയിലായി. പുറക്കാട് പഞ്ചായത് പതിനെട്ടാം വാര്ഡില് പുതുവല് ഗോപാലകൃഷ്ണന്റെ വീട് ഇന്നലെ വൈകിട്ടോടെ ഭാഗീകമായി തകര്ന്നു. അതോടൊപ്പം വിവിധ സ്ഥലങ്ങളിലായി നൂറോളം വീടുകള്ക്ക് തകര്ച്ചാ ഭീഷണി നേരിട്ടുകഴിഞ്ഞു. നീര്ക്കുന്നത്ത് നിലവിലുള്ള കടല്ഭിത്തിക്കു മുകളിലൂടെ തിരമാലകള് കരകവിഞ്ഞ് നിരവധി വീടുകള് വെളളക്കെട്ടിലായി. തകര്ച്ചാഭീഷണി നേരിടുന്ന വീടുകളിലെ സാധനങ്ങള് സുരക്ഷിത സ്ഥാനത്തേക്ക് മാറ്റിക്കൊണ്ടിരിക്കുകയാണ്.
അമ്പലപ്പുഴയിലും കടല്ക്ഷോഭം; പുറക്കാട് ഒരു വീടുകൂടി തകര്ന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.