കടുത്തുരുത്തി : മഹിളമോര്ച്ച പ്രവര്ത്തകര് മണ്ഡലത്തിലെ ഓരോ വീടുകളിലെയും അടുക്കളകളിലെത്തി തെരഞ്ഞെടുപ്പു പ്രവര്ത്തനം ശക്തമാക്കണമെന്ന് മഹിളാമോര്ച്ച ജില്ലാ വൈസ് പ്രസിഡന്റ് സുമാ വിജയന്. മഹിളമോര്ച്ചയുടെ കടുത്തുരുത്തി നിയോജകമണ്ഡലം സമ്മേളനം ഉദ്ഘാടനം ചെയ്തുകൊണ്ടു സംസാരിക്കുകയായിരുന്നു അവര്.
മരങ്ങാട്ടുപളളി ഗ്രാമപഞ്ചായത്ത് മെമ്പര് ശ്യാമളാമോഹന് അദ്ധ്യക്ഷത വഹിച്ചു. എന്ഡിഎ യുടെ കടുത്തുരുത്തി നിയോജകമണ്ഡലം സ്ഥാനാര്ത്ഥി അഡ്വ: സ്റ്റീഫന് ചാഴിക്കാടന് ആശംസകള് അറിയിച്ചു. ബിജെപി ജില്ലാ സെക്രട്ടറി മണിലാല് മുഖ്യ പ്രഭാഷണം നടത്തി. മണ്ഡലം പ്രസിഡന്റ് ജയപ്രകാശ് തെക്കേടത്ത്, സിവില്സണ് സെബാസ്റ്റ്യന്, പി.സി.ബേബി ,മനോഹരന്.കെ.കെ., വി.രമേശ്, അറുമുഖന് ,മോഹനന് എന്നിവര് പ്രസംഗിച്ചു.
മഹിള മോര്ച്ചയുടെ കടുത്തുരുത്തി നിയോജകമണ്ഡലം ഇലക്ഷന് കമ്മറ്റി തിരഞ്ഞെടുത്തു. ആശാ ഗണേശന് (കണ്വീനര്) സരിതാ സാബു, സുനിതാ സുരേഷ് (ജോയിന്റ് കണ്വീനേഴ്സ്) . 21 അംഗ കമ്മറ്റി അംഗങ്ങളെ തിരഞ്ഞെടുത്തു.
