കണ്ണൂര്: മാര്ച്ച് 24 മുതല് 27 വരെ അമേരിക്കയിലെ ലാസ് വെഗാസില് നടക്കുന്ന ഒസാവ കപ്പ് ഇന്റര് നാഷണല് കരാത്തെ മല്സരത്തില് പങ്കെടുക്കുന്ന സെന്സയ് രോഹിത് മനോഹരന് കൊച്ചി അന്തരാഷ്ട്ര വിമാന താവളത്തില് ഉച്ചി റ്യൂ കരാത്തെ വിദ്യാര്ത്ഥികളും സുഹൃത്തുക്കളും ചേര്ന്ന് യാത്രയയപ്പ് നല്കി പതിമൂന്നാമത്തെ വയസ്സില് 2006 ജപ്പാനിലേ ഒക്കിനാവായില് നടന്ന യൂത്ത് കരാത്തെ മല്സരത്തില് ഫൈറ്റിങ്ങില് വെള്ളിമെഡലും, 2010 ല് ശ്രീലങ്കയില് നടന്ന അന്തര്ദ്ദേശീയ കരാത്തെ മല്സരത്തില് ഫൈറ്റിങ്ങിലും, കത്തയിലും സ്വര്ണ്ണമെഡലും, 2011 ല് കനഡയില് നടന്ന അന്തര്ദ്ദേശീയ കരാത്തെ മല്സരത്തില് ഫൈറ്റിങ്ങില് വെങ്കലവും, കത്തയില് സ്വര്ണ്ണ മെഡലും നേടിയിട്ടുള്ള ഈ യുവാവ് ജപ്പാനില് നിന്നും ഉച്ചി റ്യൂ കരാത്തെയിലും കൊബുഡോയിലും നാലാമത് ഡിഗ്രി ബ്ലാക്ക് ബെല്റ്റ് നേടിയിട്ടുള്ള ഇന്ത്യയിലെ ഏറ്റവും പ്രായം കുറഞ്ഞ വ്യക്തിയാണ്
4 വയസ്സു മുതല് കരാത്തെ മല്സര രംഗത്ത് സജീവമായിട്ടുള്ള രോഹിത് ഇന്ത്യയില് നടന്നിട്ടുള്ള നൂറുകണക്കിന് കരാത്തെ മല്സരങ്ങളില് മെഡലുകള് കരസ്ഥമാക്കിയിട്ടുണ്ട്, കണ്ണൂര് ജില്ലയിലെ കാഞ്ഞിരോട് സ്വദേശിയായ കരാത്തെ മാസ്റ്റര് കെ.വി.മനോഹരന്റെയും റോജാ മനോഹരന്റെയും മകനാണ് ഈ യുവാവ് സഹോദരി ഹരിതാ മനോഹരനും അറിയപ്പെടുന്ന കരാത്തെ പരിശീലകയാണ്.
