ഇരിട്ടി: പിക്കപ്പ് വാഹനത്തില് പ്രത്യേക അറയുണ്ടാക്കി കടത്തുകയായിരുന്ന 240 കുപ്പി വിദേശ മദ്യവുമായി പേരട്ട സ്വദേശിയെ എക്സൈസ് സംഘം അറസ്റ്റ് ചെയ്തു. കൂട്ടുപുഴക്കടുത്ത പേരട്ടയിലെ സജീഷ് പുത്തന്പടലില് ആണ് ഉളിക്കല് മണ്ഡപപ്പറമ്പില് വെച്ച് ശ്രീകണ്ഠപുരം എക്സൈസ് സംഘത്തിന്റെ പിടിയിലായത്. 500 എംഎല് വരുന്ന 240കുപ്പി മദ്യം പിക്കപ്പ് വാഹനത്തിന്റെ പ്ലാറ്റ്ഫോമില് പ്രത്യേകം അറയുണ്ടാക്കി അടുക്കിവെച്ച നിലയില് ആയിരുന്നു. ഷാഡോ എക്സൈസ് വിവരമറിയിച്ചതിനെ തുടര്ന്ന് നടത്തിയ പരിശോധനക്കിടെയാണ് ഇയാള് പിടിയിലാവുന്നത്. ശ്രീകണ്ഠപുരം എക്സൈസ് ഇന്സ്പെക്ടര് സി.സി.ആനന്ദകുമാര്, അസി. ഇന്സ്പെക്ടര് പി.പി.ഗോവിന്ദന്, പ്രിവന്റീവ് ഓഫീസര്മാരായ എം.എം.രാജു, പി.സി.വാസുദേവന്, ബിപിന്, മറ്റു എക്സൈസ് ഉദ്യോഗസ്ഥരായ രാജേഷ്, ഉജേഷ്, പ്രകാശന്, ഷിജു, അഹമ്മദ്, പ്രതീപ് കുമാര്, പുരുഷോത്തമന്, കെ.പി.വിജയന് തുടങ്ങിയവരാണ് പിടികൂടിയ സംഘത്തില് ഉണ്ടായിരുന്നത്. പിടികൂടിയ മദ്യവും കടത്താന് ഉപയോഗിച്ച പിക്കപ്പ് വാഹനവും പോലീസ് കസ്റ്റഡിയിലെടുത്തു.
ഉളിക്കലില് പിക്കപ്പ് വാഹനത്തില് കടത്തുകയായിരുന്ന 240 കുപ്പി വിദേശ മദ്യവുമായി പേരട്ട സ്വദേശി പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.