പുറപ്പുഴ: വേനല് കടുത്തതോടെ പുറപ്പുഴയിലെ ഉയര്ന്ന പ്രദേശങ്ങളിലുള്ളവര് വെള്ളത്തിനായി നെട്ടോട്ടം ഓടുന്നു. പുറപ്പുഴ പഞ്ചായത്തിലെ ഉയര്ന്ന പ്രദേശങ്ങളായ കൊടുകുത്തി, കുണിഞ്ഞി, ചുണ്ടേക്കാട്, വീരന്മല, പനയ്ക്കച്ചാല്, തുടങ്ങിയ പ്രദേശങ്ങളിലെ ജനങ്ങള് കുടിവെള്ളത്തിനായി നരകയാതന അനുഭവിക്കുകയാണ്. സാധാരണക്കാരായ ഇവര് വരുമാനത്തിന്റെ ഏറിയ ഭാഗവും കുടിവെള്ളത്തിനായി വിനിയോഗിക്കേണ്ട ഗതികേടിലാണ്. വകുപ്പ് കൈകാര്യം ചെയ്യുന്ന മന്ത്രി അരികിലുണ്ടെങ്കിലും അദ്ദേഹത്തിന്റെ വളര്ത്തു മൃഗത്തിന്റെ പരിഗണന പോലും ഇവിടുത്തെ അടിസ്ഥാന ജനവിഭാഗങ്ങള്ക്ക് നല്കുന്നില്ല. കുടിവെള്ള പ്രശ്നം പരിഹരിക്കാന് വേണ്ട നടപടി സ്വീകരിച്ചില്ലെങ്കില് ശക്തമായ പ്രതിക്ഷേധ നടപടികള് സ്വീകരിക്കുമെന്ന് ബിജെപി നേതാക്കള് പറഞ്ഞു. പുറപ്പുഴ-വഴിത്തല റോഡ് നിര്മ്മാണവും അശാസ്ത്രീയമായാണ് നീങ്ങുന്നതെന്നും ബിജെപി ആരോപിക്കുന്നു. പലസ്ഥലങ്ങളിലും വേണ്ടത്ര മെറ്റീരിയല്സ് ഉപയോഗിക്കുന്നില്ലായെന്നും ജനങ്ങളുടെ കണ്ണില് പൊടിയിടുകയാണെന്നും ആക്ഷേപമുണ്ട്. ഈ നീക്കം വിലപ്പോകില്ലായെന്ന് ബിജെപി മുന്നറിയിപ്പ് നല്കി. അധികാരികളുടെ ശ്രദ്ധപതിഞ്ഞ് റോഡ് നിര്മ്മാണം ജനങ്ങള്ക്ക് ഗുണകരമാകണമെന്ന് ബിജെപി ആവശ്യപ്പെട്ടു.
പുറപ്പുഴ പഞ്ചായത്തില് കുടിവെള്ളം കിട്ടാക്കനി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.