കണ്ണൂര്: അഞ്ചരക്കണ്ടിയിലെ കണ്ണൂര് മെഡിക്കല് കോളേജ് പത്താം വാര്ഷികത്തോടനുബന്ധിച്ച് ആകര്ഷകമായ ചികിത്സാഇളവുകള് ഏര്പ്പെടുത്തിയതായി ഭാരവാഹികള് പത്ര സമ്മേളനത്തില് അറിയിച്ചു. നൂറ് രൂപയുടെ ഒരു വര്ഷത്തെ കാലാവധിയുള്ള ഫാമിലി ഹെല്ത്ത് കാര്ഡെടുത്താല് മുഴുവന് കുടുംബാംഗങ്ങള്ക്കും മൊത്തം ബില്തുകയില് അമ്പത് ശതമാനം കിഴിവ് അനുവദിക്കും. ലബോറട്ടറി, റേഡിയോളജി പരിശോധനക്ക് കണ്സള്ട്ടേഷനു മാത്രം വരുന്നവര്ക്ക് പത്ത് ശതമാനവും കിടന്നു ചികിത്സ തേടുന്നവര്ക്ക് 25 ശതമാനവും ഇളവുണ്ട്. ഫാര്മസിയില് നിന്ന് വാങ്ങുന്ന മരുന്നുകള്ക്ക് പത്ത് ശതമാനമാണ് കിഴിവ്. കോളേജ് സ്ഥിതി ചെയ്യുന്ന അഞ്ചരക്കണ്ടി പഞ്ചായത്തിലെയും സമീപ പഞ്ചായത്തുകളായ ചെമ്പിലോട്, വേങ്ങാട്, കീഴല്ലൂര്, കൂടാളിയിലെയും ജനങ്ങള്ക്ക് വേണ്ടി പ്രത്യേക പാക്കേജിനും രൂപം നല്കിയിട്ടുണ്ട്. മാതൃശിശുസംരക്ഷണത്തിന് കൂടുതല്പരിഗണന നല്കുന്നതാണ് പാക്കേജ്. ആശുപത്രിയില് പ്രവേശിക്കപ്പെട്ട നാള് മുതല് പ്രസവം കഴിഞ്ഞ് ഡിസ്ചാര്ജ് ചെയ്യുന്നത് വരെയുള്ള ചികിത്സാ ചെലവുകളില് അമ്പത് ശതമാനം കിഴിവുണ്ട്. നവജാത ശിശുവിന് ഒരു വയസ്സ് പൂര്ത്തിയാകുന്നത് വരെ കുത്തിവെപ്പടക്കം ആശുപത്രിയില് ലഭ്യമായ മുഴുവന് ചികിത്സയും സൗജന്യമായിരിക്കും. ഔട്ട് പേഷ്യന്റായി വരുന്നവര് 30 രൂപ നല്കിയാല് സ്പെഷ്യലിസ്റ്റ് ഡോക്ടറെയും ആവശ്യമെങ്കില് സൂപ്പര് സ്പെഷ്യലിസ്റ്റ് ഡോക്ടറെയും സൗജന്യമായി കണ്സള്ട്ട് ചെയ്യാം. ലബോറട്ടറിയിലെ പരിശോധന, എംആര്ഐ, മാമോഗ്രാം അടക്കമുള്ള റേഡിയോളജി പരിശോധനകള്ക്ക് 25 ശതമാനം ഇളവുണ്ടാകും ദാരിദ്ര്യരേഖക്ക് താഴെയുള്ളവര് പാര്ക്കുന്ന പ്രദേശങ്ങളില് സൗജന്യവൈദ്യപരിശോധനാ ക്യാമ്പ് സംഘടിപ്പിച്ച് തുടര്ചികിത്സ ആവശ്യമുള്ളവരെ ആശുപത്രിയില് പ്രവേശിപ്പിക്കും. പത്രസമ്മേളനത്തില് മെഡിക്കല് എജുക്കേഷന് ഡയറക്ടര് ഡോ കെ.ഭാസ്കരന്, പിആര്ഒ പി.കെ.പ്രേമരാജന്, ഡയറക്ടര് ഡോ.ശിവകുമാര് ഹിരമേത്ത് എന്നിവര് പങ്കെടുത്തു.
അഞ്ചരക്കണ്ടിയിലെ കണ്ണൂര് മെഡിക്കല് കോളേജ് പത്താം വാര്ഷികത്തോടനുബന്ധിച്ച് ആകര്ഷകമായ ചികിത്സാ ഇളവുകള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.