ആലപ്പുഴ: തദ്ദേശ തെരഞ്ഞെടുപ്പുമായി ബന്ധപ്പെട്ട് ആലപ്പുഴ എആര്‍ ക്യാമ്പിലെ പോലീസ് ഉദ്യോഗസ്ഥര്‍ക്ക് വിശ്രമം അനുവദിക്കാതെ അമിത ഡ്യൂട്ടി നല്‍കുന്നതായി ആരോപണം. ഭരണാനുകൂലികളും അസോസിയേഷന്‍ നേതാക്കളുമായ ചില പോലീസ് ഉദ്യോഗസ്ഥരുടെ നിര്‍ദ്ദേശപ്രകാരമാണ് ക്യാമ്പിലെപോലീസുകാര്‍ക്ക് അമിത ജോലിഭാരം അടിച്ചേല്പിക്കുന്നത്.
എന്നാല്‍ ഭരണാനുകൂലികളായ ഉദ്യോഗസ്ഥര്‍ക്ക് യാ തൊരു ഡ്യൂട്ടിയും ഇതുവരെ നല്‍കിയിട്ടുമില്ല. ഇവര്‍ പോലീസ് ഉദ്യോഗസ്ഥരുടെ പോസ്റ്റല്‍വോട്ടുകള്‍ ഭീഷണിപ്പെടുത്തിയും നിര്‍ബന്ധിച്ചും വാങ്ങിവയ്‌ക്കുകയാണ്. ക്യാമ്പിലെ ഉന്നത ഉദ്യോഗസ്ഥന്റെ അറിവോടെയാണ് ഇത്തരം പ്രവര്‍ത്തനങ്ങള്‍ നടക്കുന്നതെന്ന ആക്ഷേപം ശക്തമാണ്.
ഭാരവാഹികളായ ഉദ്യോഗസ്ഥര്‍ പരേഡിനോ പാറാവിനോ മറ്റു ഡ്യൂട്ടക്കോ പോകാറില്ല. ആരെങ്കിലും ചോദിച്ചാല്‍ ഭീഷണിപ്പെടുത്തുകയും ചെയ്യും. ഇതില്‍ ക്യാമ്പിലെ മറ്റ് ഉദ്യോഗസ്ഥര്‍ക്കിടയില്‍ പ്രതിഷേധത്തിന് കാരണമായിട്ടുണ്ട്.
