കുറുപ്പംപടി: നവോത്ഥാന നായകരായ ശ്രീനാരായണഗുരുദേവന്‍, ചട്ടമ്പിസ്വാമികള്‍, മഹാത്മ അയ്യങ്കാളി തുടങ്ങിയവരെ മറന്നുകൊണ്ടുള്ള പ്രവര്‍ത്തികളും പരാമര്‍ശങ്ങളും ഇടത് മുന്നണിയെ പിന്നോക്ക വിഭാഗങ്ങളില്‍ നിന്നും അകറ്റിയതായി ബിജെപി സംസ്ഥാന വൈസ്പ്രസിഡന്റ് പി.എം.വേലായുധന്‍ പറഞ്ഞു. രായമംഗലം പഞ്ചായത്തില്‍ ബിജെപി യുവമോര്‍ച്ച സംഘടിപ്പിച്ച രാഷ്‌ട്രീയ പരിവര്‍ത്തനയാത്രയുടെ സമാപനസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നവോത്ഥാന നായകര്‍ കേരളത്തിന് നേടികൊടുത്ത പലനേട്ടങ്ങളും സിപിഎമ്മിന്റെ അക്കൗണ്ടിലാണ് ഇടതു നേതാക്കള്‍ ഉള്‍പ്പെടുത്തിയിരിക്കുന്നതെന്നും ഇതിലൂടെ ചരിത്രസത്യങ്ങളെ വളച്ചൊടിക്കുവാനാണ് ഇടത്മുന്നണികളുടെ ശ്രമമെന്നും അദ്ദേഹം പറഞ്ഞു. രായമംഗലം പഞ്ചായത്തിലെ കൂട്ടുമഠം, ഇരവിച്ചിറ, കുരുപ്പപാറ, കാളംകുളങ്ങര, മുടിക്കരായി മേഖല കമ്മറ്റികളുടെ ആഭിമുഖ്യത്തിലായിരുന്നു പരിവര്‍ത്തനയാത്ര. നിരവധി ഇരുചക്രവാഹനങ്ങള്‍ അകമ്പടിയായുണ്ടായിരുന്നു. പൊതുയോഗത്തില്‍ തെരഞ്ഞെടുപ്പ് കമ്മറ്റി കണ്‍വീനര്‍ ജി.അനില്‍ അദ്ധ്യക്ഷത വഹിച്ചു. ബിഎംഎസ് ജില്ലാ വൈസ്പ്രസിഡന്റ് അഡ്വ.കെ.സി.മുരളീധരന്‍, പ്രകാശ്.കെ.റാം, യുവമോര്‍ച്ച നേതാക്കളായ അമല്‍ കൈപ്പിള്ളില്‍, മുരുകേഷ്.എസ്.മേനോന്‍, ഹരിചെപ്പാറ എന്നിവര്‍ സംസാരിച്ചു.
നവോത്ഥാന നായകരെ മറക്കുന്ന ഇടതുപക്ഷം പിന്നോക്ക വിഭാഗങ്ങളില്‍ നിന്നും അകലുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.