ചങ്ങനാശേരി: പോലീസ് ഡിപ്പാര്ട്ടുമെന്റുലെ കാലഹരണപ്പെട്ട നിയമങ്ങള് മാറ്റി എഴുതണമെന്നും, പാവപ്പെട്ടവര്ക്ക് സര്ക്കാര് ഓഫീസുകളിലും പോലീസ് സ്റ്റേഷനുകളിലും കൂടുതല് പരിഗണന നല്കണം വിജിലന്സ് ഡിജിപി വിന്സന് എം. പോള് അഭിപ്രായപ്പെട്ടു. സര്ഗ്ഗക്ഷേത്ര പ്രൊഫഷണല് ഫോറം നടത്തിയ ”എന്റെ ജീവിതം” പ്രോഗ്രാമില് മുഖ്യപ്രഭഷണം നടത്തുകയായിരുന്നു. ജനങ്ങള് ഉദ്യോഗസ്ഥരില് നിന്നും പ്രതീക്ഷിക്കുന്നത് സത്യസന്ധതയും, നീതിയുമാണെന്നും, അതനുസരിച്ച് പ്രവര്ത്തിക്കാനും, വളരാനും ഉദ്യോഗസ്ഥര്ക്ക് കഴിയണമെന്ന് അദ്ദേഹം പറഞ്ഞു.
സര്ഗ്ഗക്ഷേത്ര രക്ഷാധികാരി ഫാ. പോള് താമരശ്ശേരി സി.എം.ഐ അധ്യക്ഷത വഹിച്ചു. ഡയക്ടര് ഫാ. അലക്സ് പ്രായിക്കളം സി.എം.ഐ, വി.ജെ ലാലി, അഡ്വ. റോയി തോമസ്, സി.ജെ ജോസഫ്, തോമസുകുട്ടി പി.കെ, പ്രൊഫ. ജോസഫ് സാം എന്നിവര് പ്രസംഗിച്ചു. വെറ്റിനറി ഡയറക്ടര് ഡോ. കെ ഉണ്ണികൃഷ്ണന് മികച്ച സേവനത്തിനുള്ള അവര്ഡു നല്കി ആദരിച്ചു.
