കോട്ടയം: ക്ഷത്രിയ ക്ഷേമസഭ ജില്ലാ സമ്മേളനം 23നു ഒന്‍പതിനു ജവാഹര്‍ബാലഭവനു സമീപമുള്ള സുവര്‍ണ ഓഡിറ്റോറിയത്തില്‍ വിവിധ പരിപാടി കളോടെ നടക്കും. സമാദരം 15, ഉദ്ഘാടന സമ്മേളനം, പ്രമേയാവതരണങ്ങള്‍, പ്രതിനിധി സമ്മേളനം, കുട്ടികള്‍ക്കുള്ള വിവിധ മത്സരങ്ങള്‍, കലാപരിപാടികള്‍, സ മാപന സമ്മേളനം, കഥകളി ശില്പശാല , ചാക്യാര്‍കൂത്ത്, കുടുംബമേള, ഡോക്യുമെന്ററി പ്രദര്‍ശനം എന്നിവയാണ് പ്രധാന പരിപാടികള്‍.
സമ്മേളനം രാവിലെ 10.30നു മന്ത്രി തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യും. ക്ഷത്രിയ ക്ഷേമസഭ ജില്ലാ പ്രസിഡന്റ് പ്രഫ. വി.പി. സുകുമാരദേവ് അധ്യക്ഷത വഹിക്കും. ജനറല്‍ സെക്രട്ടറി ആത്മജവര്‍മ്മ തമ്പുരാന്‍ വാര്‍ഷിക റിപ്പോര്‍ട്ടും പ്രമേയവും അവതരിപ്പിക്കും. ക്ഷത്രിയ ക്ഷേമസഭ സം സ്ഥാന സെക്രട്ടറി എ. ഉദയവര്‍മ്മ, തിരുവനന്തപുരം ശാഖ പ്രസിഡന്റ് പി.ജി. ശശികുമാരവര്‍മ്മ എന്നിവര്‍ മുഖ്യപ്രഭാഷണം നടത്തും. സ്വാഗതസംഘം അധ്യക്ഷന്‍ പ്രഫ. പി.എന്‍. സോമവര്‍മ്മ രാജ ശതാഭിഷിക്തരായ സഭ അംഗങ്ങളെ ആദരിക്കും. രണ്ടിനു വനിതാ സമ്മേളനം വനിതാവിഭാഗം സംസ്ഥാന വൈസ് പ്രസിഡന്റ് ടി. കെ. ലീലാഭായി തമ്പുരാട്ടി ഉദ്ഘാടനം ചെയ്യും. ഡോ. ദേവീ കെ. വര്‍മ്മ മുഖ്യ പ്രഭാഷണം നടത്തും. 3.30നു സമാപന സമ്മേളനം കെ. സുരേഷ്‌ക്കുറുപ്പ് എംഎല്‍എ ഉദ്ഘാടനം ചെയ്യും. നഗരസഭാധ്യക്ഷന്‍ കെ.ആര്‍.ജി. വാരിയര്‍ സമ്മാനദാനം നിര്‍വഹിക്കും. അഞ്ചിന് കഥകളി ശില്പ ശാല, 5.45നു ഡോക്യുമെന്ററി പ്രദര്‍ശനം, 6.15നു ചാക്യാര്‍കൂത്ത് എന്നിവയും ഉണ്ടായിരിക്കുമെന്നു ജില്ലാ വൈസ് പ്രസിഡന്റ് ടി.ആര്‍. അശോകന്‍ തെക്കുംകൂര്‍ , ജോയിന്റ് സെക്രട്ടറി യു. അജിത്ത് വര്‍മ്മ എന്നിവര്‍ അറിയിച്ചു.
