ഇന്ത്യയിലെ ഏറ്റവും കൂടുതല് മുസ്ലിം പോലീസുകാരുള്ള സംസ്ഥാനമേതാണ്? സംശയിക്കേണ്ട. ഗുജറാത്ത് തന്നെ. 2012 ഒക്ടോബര് 16ലെ കേന്ദ്ര അഭ്യന്തരമന്ത്രാലയത്തിന്റെ കണക്കനുസരിച്ച് ഗുജറാത്തില് 5021 മുസ്ലിം പോലീസുകാരുണ്ട്. ഗുജറാത്തിലെ ആകെയുള്ള 47424 പോലീസുകാരുടെ 10.6% ആണിത്. ഗുജറാത്തില് ആകെ 501 പോലീസ് സ്റ്റേഷനുകളാണുള്ളത്. അതായത് ഓരോ പോലീസ് സ്റ്റേഷനിലും ശരാശരി പത്ത് മുസ്ലിം പോലീസുകാരുണ്ട്. ഗുജറാത്തിലെ മുസ്ലിം ജനസംഖ്യാനുപാതം 9.1% ആണ്. എന്നുവച്ചാല് ജനസംഖ്യാനുപാതത്തേക്കാള് കുടുതലാണ് പോലീസിലെ മുസ്ലിം പ്രധാന്യം. ഒരു പതിറ്റാണ്ട് നരേന്ദ്രമോദി ഭരിച്ചതിനുശേഷമുള്ള കണക്കുകളാണിത്.
ഇനി കേരളത്തിന്റെ കാര്യമെടുക്കാം. വളരെകാലം മുസ്ലിം ലീഗ് വിവിധ മുന്നണികളിലായി അധികാരത്തിലിരുന്ന സംസ്ഥാനമാണല്ലോ കേരളം. അഭ്യന്തര വകുപ്പും കൈകാര്യം ചെയ്തിട്ടുണ്ട്.
കേരള ജനസംഖ്യയുടെ 24.7% മുസ്ലിംങ്ങളാണ്. അതായത് ഏകദേശം നാലിലൊന്ന്. എന്നാല് കേരളത്തിലെ മുസ്ലിം പോലീസുകാരുടെ എണ്ണം 2210 ആണ്. കേരളത്തിലെ 451 പോലീസ് സ്റ്റേഷനുകളിലായി 2210 പോലീസുകാരാണുള്ളതെങ്കില് ശരാശരി ഒരു സ്റ്റേഷനില് അഞ്ചുമുസ്ലിം പോലീസുകാരാണുള്ളത്. ഗുജറാത്തിലുള്ളതിന്റെ പകുതി മാത്രം.
ഇനി പശ്ചിമ ബംഗാളിന്റെ കാര്യമെടുക്കാം. 33 വര്ഷം മാര്ക്സിസ്റ്റുകാര് ഭരിച്ചിരുന്ന സംസ്ഥാനമാണ്. ജനസംഖ്യയുടെ 25.2% മുസ്ലിങ്ങളാണ്. എന്നാല് അവിടെ ആകെയുള്ള മുസ്ലിം പോലീസുകാരുടെ എണ്ണം 2048 ആണ്. സേനയിലുള്ള പ്രാതിനിധ്യം 8.4%
ഇന്ത്യയില് ഏറ്റവും കൂടുതല് മുസ്ലിം അനുപാതമുള്ളത് ആസ്സാമിലാണ്. അവിടെ ജനസംഖ്യയുടെ 30.9% മുസ്ലിങ്ങളാണ്. അവിടെയും 2210 മുസ്ലിം പോലീസുകാരാണുള്ളത്. മൊത്തം സേനയുടെ 21.5%.
തമിഴ് നാടിന്റെ കാര്യമെടുക്കാം അവിടെ 1206 മുസ്ലീം പോലീസുകാര് മാത്രമാണുള്ളത്. കോണ്ഗ്രസ്സ് ഭരിച്ചിരുന്ന രാജസ്ഥാന്റെ കാര്യമെടുത്താല് അവിടെ 930 മുസ്ലിം പോലീസുകാരാണുള്ളത്. ജനസംഖ്യയുടെ 8.5 ശതമാനം മുസ്ലിങ്ങളാണെങ്കിലും സേനയിലെ പ്രാതിനിധ്യം 3.9 ശതമാനം മാത്രമാണ്.
മേല്കൊടുത്തിരിക്കുന്ന കണക്കുകളില് നിന്ന് ഒരു കാര്യം വ്യക്തമാണ്. ഇന്ത്യയില് ജനസംഖ്യാനുപാതത്തേക്കാള് കൂടുതലായി പോലീസ് സേനയില് മുസ്ലിം പ്രാതിനിധ്യമുള്ള ഒരേയൊരു സംസ്ഥാനം നരേന്ദ്രമോദി ഭരിക്കുന്ന ഗുജറാത്താണ്. മോദി മുസ്ലിം വിരുദ്ധനാണെന്നു വിളിച്ചുകൂവുന്ന കപട മതേതരന്മാര് ഈ കണക്കുകള് കാണാനായി കണ്ണുതുറക്കുമോ. പക്ഷേ ഉറങ്ങുന്നവനേയല്ലേ വിളിച്ചുണര്ത്താനാവു. ഉറക്കം നടിച്ചു കിടക്കുന്നവരെ വിളിച്ചാലും ഉണരില്ലല്ലോ.
നെടുമ്പാശ്ശേരി രവി
