മണ്ണാര്ക്കാട്: ഒന്പതാം ക്ലാസിലെ മുഴുവന് വിഷയങ്ങളും പഠനവിഭവങ്ങളുംകൂടുതല് ലളിതവും കാര്യക്ഷമവുമാക്കാന് ഡിജിറ്റല് പഠനസഹായിയുമായിപാലക്കാട് എടത്തനാട്ടുകര ഗവണ്മെന്റ് ഓറിയന്റല് ഹയര് സെക്കന്ഡറിസ്കൂളിലെ പത്താം ക്ലാസ് വിദ്യാര്ത്ഥികള്. അഷ്ദാഫ് കെ.സി., അലൂഫ് അന്വര് എന്നിവരാണ് ‘ഡിജിലേണ്’ എന്ന വെബ്സൈറ്റ്വികസിപ്പിച്ചത്. ഒന്പതാം ക്ലാസിലെ എല്ലാ വിഷയങ്ങളിലെയും ഓരോപാഠഭാഗങ്ങളെക്കുറിച്ചുമുള്ള വിശദീകരണങ്ങള് വെബ്സൈറ്റില് ലഭ്യമാണ്.
എഐ ദൃശ്യാവിഷ്കാരങ്ങളിലൂടെ ശബ്ദരൂപത്തിലും ടെക്സ്റ്റ് രൂപത്തിലുംപഠനവിഷയങ്ങള് മനസ്സിലാക്കാനുള്ള സൗകര്യവും വെബ്സൈറ്റിലുണ്ട്. അക്കാദമിക മാര്ഗനിര്ദേശങ്ങള്, മുന്വര്ഷങ്ങളിലെ ചോദ്യപേപ്പറുകള്, ഓരോവിഷയത്തിലെയും പാഠഭാഗങ്ങള് കേന്ദ്രീകരിച്ചുള്ള റിവിഷന് സംവിധാനങ്ങള്എന്നിവയും ഉള്പ്പെടുത്തിയിട്ടുണ്ട്. വിദ്യാര്ത്ഥികളുടെ ദൈനംദിന പഠനംഎളുപ്പമാക്കുന്നതിനായി ഓരോ വിഷയത്തിലും പ്രത്യേക ടൈംടേബിളും അതുപയോഗിച്ച്പഠനം ലഭ്യമാക്കുന്നതിനുള്ള പ്രത്യേക പാഠഭാഗങ്ങളും വെബ്സൈറ്റില്ലഭ്യമാണ്.തങ്ങളുടെ വെബ്സൈറ്റ് ഉപയോഗിച്ച് സ്കൂളിലെ അദ്ധ്യാപകര് ഒന്പതാം ക്ലാസില് പഠനപ്രവര്ത്തനങ്ങള് നടത്തുന്നുണ്ടെന്നതും നേട്ടമായി ഇവര്പറയുന്നു. ഭാവിയില് എല്ലാ ക്ലാസുകളിലെയും വിദ്യാര്ത്ഥികള്ക്ക് വെബ്സൈറ്റ്പ്രയോജനപ്പെടുത്താന് കഴിയുന്ന രീതിയില് വിപുലീകരിക്കാനാണ്ലക്ഷ്യമിടുന്നതെന്ന് ഇവര് പറയുന്നു.


















