മണ്ണാര്ക്കാട്: ഇന്റര്നെറ്റ് യുഗത്തില് ജീവിതം മുന്നോട്ട് പോകുമ്പോള് പഠനം പോലും എഐ സാങ്കേതിക വിദ്യകളാല് നിറയുമ്പോള് ഇന്നും ഇവപ്രയോജനപ്പെടുത്താന് കഴിയാത്ത കൂട്ടുകാരും നമുക്ക് ചുറ്റും ഉണ്ടെന്ന തിരിച്ചറിവ് അനുനന്ദയെയും നിയയെയും കൊണ്ട് എത്തിച്ചത് ഇന്റര്നെറ്റില്ലാതെയും പഠനം പ്രാപ്യമാക്കുക എന്ന ലക്ഷ്യത്തിലേക്ക്.
അത്തരത്തില് പാലക്കാട് ആലത്തൂര് ജിജിഎച്ച്എസ്എസ് സ്കൂളിലെ പ്ലസ് വണ്വിദ്യാര്ത്ഥിനികളായ അനുനന്ദ ആറും നിയ സമിത്തും വികസിപ്പിച്ചെടുത്തതാണ്ഹെസ്റ്റിയ എഐ.ഇന്റര്നെറ്റ് കണക്ഷന് തുടര്ച്ചയായി ലഭ്യമല്ലാത്ത സാഹചര്യങ്ങളിലുംവിദ്യാര്ത്ഥികള്ക്ക് പഠനസഹായം ഉറപ്പാക്കാന് കഴിയുന്ന ഓഫ്ലൈന് എഐഅധിഷ്ഠിത വിദ്യാഭ്യാസ സഹായിയാണ് ഹെസ്റ്റിയ എഐ.വിദ്യാഭ്യാസരംഗത്തെ സാങ്കേതികവിദ്യാ സാധ്യതകള് പ്രയോജനപ്പെടുത്തി പഠനംഎല്ലാവര്ക്കും പ്രാപ്യമാക്കുക എന്ന ലക്ഷ്യത്തോടെയാണ് സംസ്ഥാന സ്കൂള്ശാസ്ത്രമേളയിലെ യങ് ഇന്നൊവേറ്റേഴ്സ് പ്രോഗ്രാമില് ഇന്റര്നെറ്റ്ഇല്ലാതെ ഉപയോഗിക്കാന് പറ്റുന്ന പഠന സഹായി ഇവര് അവതരിപ്പിച്ചത്. വിദ്യാര്ത്ഥികള്ക്ക് ഇഷ്ടമുള്ള ഭാഷയില് പഠനസഹായം ലഭ്യമാക്കുന്നതിനുള്ളബഹുഭാഷാ പിന്തുണയും ഇതിലുണ്ട്. ഭാവിയില് ഇവ കൂടുതല് ഫലപ്രദമായതരത്തില് അവതരിപ്പിക്കുവാനും ഈ മിടുക്കികള് ആഗ്രഹിക്കുന്നു. സാമ്പത്തികമോ ഭൂമിശാസ്ത്രപരമോ സാങ്കേതികമോ ആയ പരിമിതികള് കാരണം ഒരുവിദ്യാര്ത്ഥിക്കും മികച്ച വിദ്യാഭ്യാസം നിഷേധിക്കപ്പെടരുതെന്ന തങ്ങളുടെആഗ്രഹമാണ് ഹെസ്റ്റിയ എഐ ലൂടെ ഇവര് മുന്നോട്ടുവയ്ക്കുന്നത്.

















