ന്യൂദല്‍ഹി: ഇന്ത്യയിലെ ഏറ്റവും വലിയ പുരുഷാധിപത്യ പാര്‍ട്ടിയാമ് കോണ്‍ഗ്രസെന്നും കോണ്‍ഗ്രസിന് എത്ര വനിതാമുഖ്യമന്ത്രിമാരുണ്ടെന്ന് രാഹുല്‍ ഗാന്ധി ഉത്തരം പറയണമെന്നും തെലുങ്കാന ബിജെപി അധ്യക്ഷന്‍ രാമചന്ദര്‍ റാവു. ആര്‍എസ്എസ് പുരുഷാധിപത്യ പാര്‍ട്ടിയാണ് എന്ന രാഹുല്‍ ഗാന്ധിയുടെ വിമര്‍ശനത്തിന് മറുപടി പറയുകയായിരുന്നു രാമചന്ദര്‍ റാവു.
ബിജെപിയ്‌ക്ക് ദല്‍ഹിയിലുള്ളത് വനിതാ മുഖ്യമന്ത്രിയാണ്. കോണ്‍ഗ്രസ് നാല് സംസഥാനങ്ങളില്‍ ഭരിയ്‌ക്കുന്നുണ്ട്. ഇവിടെ ഒരൊറ്റ വനിതാ മുഖ്യമന്ത്രിയെങ്കിലും ഉണ്ടോ?- രാമചന്ദര്‍ റാവു ചോദിച്ചു.
ചില സംസ്ഥാനങ്ങളില്‍ കോണ്‍ഗ്രസിന് വനിതാ കാബിനറ്റ് മന്ത്രിമാര്‍ പോലുമില്ല. തെലുങ്കാനയില്‍ ആകെ ആരു വനിതാ കാബിനറ്റ് മന്ത്രിയേ കോണ്‍ഗ്രസിനുള്ളൂ. ബിജെപി ഉള്‍പ്പെടുന്ന കേന്ദ്ര മന്ത്രിസഭയില്‍ എത്ര വനിതാ കാബിനറ്റ് മന്ത്രിമാരുണ്ടെന്ന് നോക്കൂ. – രാമചന്ദര്‍ റാവു പറഞ്ഞു.
സ്ത്രീകള്‍ക്ക് അധികാരം നല്‍കാന്‍ ഇഷ്ടപ്പെടുന്ന പാര്‍ട്ടിയാണ് കോണ്‍ഗ്രസെങ്കില്‍ 33 ശതമാനം സംവരണം നല്‍കുന്ന ബില്ലിനെ കോണ്‍ഗ്രസ് അനുകൂലിക്കാതിരിക്കുന്നത് എന്തുകൊണ്ടാണ് ?
