ന്യൂദല്‍ഹി: നിയമ വിരുദ്ധപ്രവര്‍ത്തനത്തിന്‌റെ പേരില്‍ ഇന്ത്യ വിടാനുള്ള നിര്‍ദ്ദേശത്തെ ചോദ്യം ചെയ്ത് നടന്‍ ഇമ്രാന്‍ ഖാന് സമര്‍പ്പിച്ച ഹര്‍ജി ബോംബെ ഹൈക്കോടതി 26-ന് പരിഗണിക്കും. മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരായ പ്രകടനങ്ങളില്‍ പങ്കെടുത്തതിനാണ് ഇമ്രാന്‍ ഖാനെതിരെ രാജ്യം വിടാനാവശ്യപ്പെട്ട് ഫോറിനേഴ്‌സ് റീജിയണല്‍ രജിസ്‌ട്രേഷന്‍ ഓഫീസ് നോട്ടീസ് പുറപ്പെടുവിച്ചത്.
ഫോറിനേഴ്‌സ് റീജിയണല്‍ രജിസ്‌ട്രേഷന്‍ ഓഫീസിന് നിര്‍ദ്ദേശം സംബന്ധിച്ച് വിശദീകരണം നല്‍കാന്‍ സമയം അനുവദിച്ച കോടതി, 26 ന് കേസ് കേള്‍ക്കാന്‍ തീരുമാനിച്ചു. ഇമ്രാന്‍ ഖാന് ക്രിമിനല്‍ പശ്ചാത്തലമുണ്ടോ എന്ന് ഉറപ്പാക്കാന്‍ മഹാരാഷ്‌ട്ര സര്‍ക്കാരിനെയും കേസില്‍ കക്ഷി ചേര്‍ക്കാനും നിര്‍ദേശിച്ചിട്ടുണ്ട്. അധികൃതര്‍ തന്നെ കേട്ടില്ലെന്നും ഒരു വിദേശ പൗരന്‍ എന്ന നിലയിലുള്ള തന്റെ നിയമപരമായ അവകാശങ്ങള്‍ ലംഘിച്ചുവെന്നുമാണ് ഇമ്രാന്‍ ഖാന്‌റെ വാദം.
രാജ്യം വിടാനുള്ള നോട്ടീസ് അവകാശ ലംഘനമെന്ന് നടന്‍ ഇമ്രാന്‍ ഖാന്, ഹര്‍ജി ഹൈക്കോടതി 26ന് പരിഗണിക്കും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.