ന്യൂഡൽഹി ; ഏത് കാര്യത്തിനും വോട്ട് മോഷണം ഉന്നയിക്കുന്ന കോൺഗ്രസ് നേതാവ് രാഹുൽ ഗാന്ധിയെ പരിഹസിച്ച് അമേരിക്കൻ ആക്ടിവിസ്റ്റും എഴുത്തുകാരിയുമായ റെനി ലിൻ . അമേരിക്കൻ യാത്രയ്‌ക്കിടെ രാഹുൽ ഗാന്ധി തന്റെ ഫോണും പഴ്‌സും മോഷ്ടിച്ചുവെന്നും എന്നാൽ തന്റെ കയ്യിൽ അതിന് തെളിവില്ലെന്നും പറഞ്ഞാണ് ലിനിന്റെ ആക്ഷേപഹാസ്യ വീഡിയോ .
‘ ഹായ് കൂട്ടുകാരെ,
രാഹുൽ ഗാന്ധി യു.എസ്.എയിൽ വന്നപ്പോൾ അദ്ദേഹം എന്റെ പേഴ്സും, ഫോണും മോഷ്ടിച്ചു…
ഞാൻ സമ്മതിക്കുന്നു, എന്റെ പക്കൽ തെളിവുകളൊന്നുമില്ല, പക്ഷേ അദ്ദേഹം തന്നെയാണ് അത് ചെയ്തതെന്ന് എനിക്ക് ഉറപ്പുണ്ട്…
എന്റെ Intuition ഒന്നോ രണ്ടോ തവണ തെറ്റിയേക്കാം, പക്ഷേ എപ്പോഴും തെറ്റാൻ കഴിയില്ലല്ലോ…
എന്റെ ബോധ്യം അദ്ദേഹം തന്നെയാണ് അത് മോഷ്ടിച്ചതെന്നാണ്..
ഞാൻ ഇതേക്കുറിച്ച് ഇന്ത്യൻ പ്രസിഡന്റിന് പരാതി നൽകാൻ പോലും ശ്രമിച്ചു… എന്നാൽ അവർ എന്നോട് തെളിവ് ചോദിച്ചു…
എന്റെ കൈവശം തെളിവുകളൊന്നുമില്ല, പക്ഷേ രാഹുൽ ഗാന്ധി എന്റെ സാധനങ്ങൾ മോഷ്ടിച്ചിട്ടില്ല എന്ന് അദ്ദേഹം തെളിയിക്കണമെന്നാണ് ഞാൻ വിശ്വസിക്കുന്നത്…
അദ്ദേഹം തന്റെ നിരപരാധിത്വം തെളിയിക്കട്ടെ, അല്ലാത്തപക്ഷം ഞാൻ ഡൽഹിയിലേക്ക് മാർച്ച് നടത്തുകയും അദ്ദേഹത്തിന്റെ രാജി ആവശ്യപ്പെടുകയും ചെയ്യും…
അദ്ദേഹം രാജി വെക്കുന്നത് വരെ പപ്പുവിന്റെ വസതിക്ക് മുന്നിൽ ഞാൻ പ്രതിഷേധിക്കും…‘ എന്നാണ് ലിന്നിന്റെ പരിഹാസം. രാഹുലിന്റെ കോമാളിത്തത്തെ ഇപ്പോൾ വിദേശികൾ വരെ ട്രോളി തുടങ്ങിയെന്നതാണ് വാസ്തവം.
