തിരുവനന്തപുരം:ആയുര്‍വേദ ആശുപത്രികളിലെ ഫര്‍ണിച്ചര്‍ വാങ്ങല്‍ ക്രമക്കേടില്‍ വിജിലന്‍സ് അന്വേഷണത്തിന് മന്ത്രി കെ മുരളീധരന്‍ നിര്‍ദ്ദേശം നല്‍കി. നാഷണല്‍ ആയുഷ് മിഷന്‍ മുന്‍ സ്റ്റേറ്റ് പ്രോഗ്രാം മാനേജര്‍ പി ആര്‍ സജിയ്‌ക്കെതിരെയാണ് അന്വേഷണം.ധനകാര്യവകുപ്പിന്റെ അന്വേഷണം മതിയെന്ന പ്രിന്‍സിപ്പല്‍ സെക്രട്ടറിയുടെ ശുപാര്‍ശ മന്ത്രി തള്ളി.ഇത് സംബന്ധിച്ച ഫയല്‍ ആഭ്യന്തരവകുപ്പിന് കൈമാറി.
കണ്ണൂര്‍ പിണറായിയിലെ ഗവ.ആയുര്‍വേദ ആശുപത്രിയുടെ കെട്ടിടം പൂര്‍ത്തിയാകുന്നതിന് മുമ്പ് 11.45 ലക്ഷം രൂപയുടെ ഫര്‍ണിച്ചര്‍ വാങ്ങിയതിലുള്‍പ്പെടെ അന്വേഷണം നടക്കും.ഇത് കൂടാതെ മട്ടന്നൂര്‍, ചാലക്കുടി,വെങ്ങാനൂര്‍ എന്നിവിടങ്ങളിലേക്കും ചട്ടവിരുദ്ധമായി സാധനങ്ങള്‍ വാങ്ങിയെന്നാണ് റിപ്പോര്‍ട്ട്. ഇക്കാര്യങ്ങള്‍ ഉള്‍പ്പെടെ വിജിലന്‍സ് അന്വേഷണത്തിന്റെ പരിധിയില്‍ വരും.
