ന്യൂദല്ഹി: ബ്രിക്സിനു (BRICS) മേൽ ട്രംപിന്റെ നിഴൽ വലിയ തോതിൽ പതിഞ്ഞിട്ടുണ്ടെന്ന റിപ്പോര്ട്ട് പുറത്തുവിട്ട ബിബിസിയെ പരിഹസിച്ച് ഇന്ത്യന് ജേണലിസ്റ്റ് പാല്കി ശര്മ്മ. അങ്ങിനെ ഒരു കരിനിഴല് ന്യൂദല്ഹിയില് ഞങ്ങൾക്ക് കാണാനായില്ല എന്നതാണ് സത്യമെന്നായിരുന്നു പാല്കി ശര്മ്മയുടെ പരിഹാസം.
ഭിന്നിച്ചുനിൽക്കുന്ന ബ്രിക്സ് എന്തുകൊണ്ട് അമേരിക്കയ്ക്ക് ഒരു വെല്ലുവിളിയാകുന്നില്ല എന്നായിരുന്നു ടൈം മാഗസിനില് വന്ന ലേഖനം. എന്നാല് ഒരു ഭിന്നിപ്പും ഇല്ലാതെ ഏഴിന കര്മ്മ പദ്ധതികള് ബ്രിക്സില് പ്രഖ്യാപിച്ചിരുന്നുവെന്ന കാര്യവും പാല്കി ശര്മ്മ ഓര്മ്മപ്പെടുത്തി.
“എന്തുകൊണ്ടാണ് ബിബിസിയും ടൈം മാസികയും ഉള്പ്പെടെയുള്ള പാശ്ചാത്യ മാധ്യമങ്ങള് ബ്രിക്സ് ഉള്പ്പെടെയുള്ള രാജ്യങ്ങളുടെ കൂട്ടായ്മകളെ അമേരിക്കയുമായോ പാശ്ചാത്യലോകവുമായോ ബന്ധപ്പെടുത്തി മാത്രം നിർവചിക്കുന്നത്?”- പാശ്ചാത്യ മാധ്യമങ്ങളുടെ പ്രചാരണങ്ങളെ പാൽക്കി പൊളിച്ചടുക്കുന്നു.
