കൊല്‍ക്കൊത്ത:”എല്ലാ ഉപനിഷത്തുകളിലും വെച്ച് ഏറ്റവും ചെറുതും എന്നാല്‍ ഏറ്റവും കഠിനവുമായി ഉപനിഷത്താണ് മാണ്ഡൂക്യോപനിഷത്ത്. മുമുക്ഷുവിന് (മുക്തി നേടാന്‍ ആഗ്രഹിക്കുന്നവന്) വഴികാട്ടുന്ന ഏറ്റവും പ്രധാന ഉപനിഷത്താണ് മാണ്ഡൂക്യോപനിഷത്ത്. ഇത് മാത്രം മതി മോക്ഷം നേടാന്‍. ഇതില്‍ ഏഴാമത്തെ ശ്ലോകമാണ് ഏറ്റവും പ്രധാനം””. – കൊല്‍ക്കൊത്ത ഐഐടിയില്‍ ക്ലാസെടുത്ത സര്‍വ്വപ്രിയാനന്ദ പറയുന്നു. മറ്റൊരര്‍ത്ഥത്തില്‍ പറഞ്ഞാല്‍ അങ്ങേയറ്റം എരിവുള്ള ചെറിയ മുളകാണ് മാണ്ഡൂക്യോപനിഷത്ത്.
മാണ്ഡൂക്യോപനിഷത്തിലെ ഏറ്റവും പ്രധാന മന്ത്രം ഏഴാമത്തെ മന്ത്രമാണ്. ഇതില്‍ ആകെ 12 മന്ത്രങ്ങളേയുള്ളൂ. ഈ ഏഴാമത്തെ മന്ത്രത്തിലാണ് ഞാന്‍ ആര് എന്ന ചോദ്യത്തിന് ഏറ്റവും മികച്ച ഉത്തരം കിടക്കുന്നത്. ശങ്കരാചാര്യരുടെ ഗുരുവായ ഗൗഡപാദാചാര്യയാണ് ഈ ഉപനിഷത്തിന് വ്യാഖ്യാനം എഴുതിയിട്ടുണ്ട്. ഇതിനെയാണ് മണ്ഡൂകകാരിക എന്ന് വിളിക്കുന്നത്. ഇതില്‍ നാല് അധ്യായങ്ങളുണ്ട്. – സര്‍വ്വപ്രിയാനന്ദ പറയുന്നു.
ഉപനിഷത്തിന്റെ പഠനമാണ് വേദാന്തം. ഉപനിഷത്ത് അവതരിപ്പിക്കുന്നത് വേദങ്ങളിലെ ഉയര്‍ന്ന ചിന്തകളാണ്. 108 ഉപനിഷത്തുകളുണ്ടെങ്കിലും ഇതില്‍ പ്രധാനം 11 ഉപനിഷത്തുകളാണ്. 1300 വര്‍ഷങ്ങള്‍ക്ക് മുന്‍പ് ആദി ശങ്കരാചാര്യര്‍ ഇതില്‍ 11 ഉപനിഷത്തുകള്‍ക്കേ ഭാഷ്യം എഴുതിയിട്ടുള്ളൂ.
