ചെന്നൈ: ഇന്ത്യയിലാകെ പ്രതിപക്ഷത്തിന്റെ മുന്നണിയായി രൂപീകരിച്ച ഇൻഡി അലയൻസ്
തമിഴ്‌നാട്ടിൽ ഇനി ഇല്ല. പകരം മുഖ്യമന്ത്രി ജോസഫ് വിജയിന്റെ നേതൃത്വത്തിൽ ‘സെക്യുലർ സോഷ്യൽ ജസ്റ്റീസ് വിക്ടറി അലയൻസ്'(എസ്എസ്‌ജെവിഎ) രൂപീകരിച്ചു. കോൺഗ്രസ്സും മുസ്ലിംലീഗും വിജയ് യുടെടിവികെയുടെ നേതൃത്വത്തിലുള്ള മുന്നണിയിലെ ഘടകകക്ഷിയാകും. തമിഴ് വെട്രി കഴകം (ടിവികെ), കോൺഗ്രസ്, മുസ്ലിംലീഗ് (ഐയുഎംഎൽ), വിഡുതലൈ ചിരുതൈഗൾ കച്ചി (വിസികെ), മരുമലർച്ചി ദ്രാവിഡ മുന്നേട്ര കഴഗം (എംഡിഎംകെ) എന്നിവ ചേർന്നാണ് മുന്നണി. ഭരണകക്ഷിയുടെ ഔദ്യോഗിക നാമമായി സെക്കുലർ സോഷ്യൽ ജസ്റ്റിസ് വിക്ടറി അലയൻസ് പ്രഖ്യാപിച്ചു.
വിജയ് സർക്കാരിന് സിപിഎം പിന്തുണ പ്രഖ്യാപിച്ചെങ്കിലും സിപിഎമ്മിനെ മുന്നണിയിൽ സഖ്യകക്ഷിയാക്കിയിട്ടില്ല.
ചെന്നൈയിലെ ടിവികെ ആസ്ഥാനത്ത് നടന്ന കോൺഗ്രസ്, വിസികെ, എംഡിഎംകെ, ഐയുഎംഎൽ എന്നീ പാർട്ടികളുടെ നേതാക്കളുടെ യോഗത്തിന് ശേഷമാണ് സഖ്യത്തിന്റെ പേര് അന്തിമമാക്കാൻ തീരുമാനിച്ചത്.
പനയൂരിലെ ടിവികെ ആസ്ഥാനത്ത് നടന്ന യോഗത്തിൽ ഘടകകക്ഷികളുടെ മുതിർന്ന പ്രതിനിധികൾ പങ്കെടുത്തു.
കോൺഗ്രസിൽ നിന്ന്, മാണിക്കം ടാഗോർ, തരഗൈ കാത്‌ബെർട്ട്, പ്രവീൺ ചക്രവർത്തി എന്നിവർ പങ്കെടുത്തു. വിസികെയെ പ്രതിനിധീകരിച്ച് അതിന്റെ തലവൻ തോൾ തിരുമാവളവൻ, വണ്ണി അരസു, രവി കുമാർ, സിന്ദനൈ സെൽവൻ എന്നിവർ പങ്കെടുത്തു.
ദുരൈ വൈകോയ്‌ക്കൊപ്പം എംഡിഎംകെ നേതാവ് വൈകോയും ഐയുഎംഎല്ലിനെ പ്രതിനിധീകരിച്ച് കെ.എം. കാദർ മൊഹിദീനും ഷാജഹാനും യോഗത്തിൽ പങ്കെടുത്തു.
മതേതരത്വത്തിലും സാമൂഹിക നീതിയിലും ശ്രദ്ധ കേന്ദ്രീകരിക്കുന്ന പാർട്ടികളെ ഈ സഖ്യം ഒരുമിച്ച് കൊണ്ടുവരുന്നു, തമിഴ്‌നാട്ടിലെ രാഷ്‌ട്രീയ മത്സരത്തിൽ ഇത് ഒരു പ്രധാന പങ്ക് വഹിക്കുമെന്ന് പ്രതീക്ഷിക്കുന്നു. വരാനിരിക്കുന്ന തെരഞ്ഞെടുപ്പ് പോരാട്ടത്തിന് മുന്നോടിയായി സഖ്യത്തിന്റെ ഏകീകരണത്തിലെ മറ്റൊരു ചുവടുവയ്‌പ്പാണ് പേരിന്റെ അന്തിമരൂപം.
