ദുബായ്: ഗായകനും മാപ്പിളപ്പാട്ട് കലാകാരനുമായ നിസാര് വയനാട് അന്തരിച്ചു. ഹൃദയാഘാതം മൂലം ദുബായില് വച്ചാണ് മരണം. മൃതദേഹം ദേര മങ്കുല് ആസ്റ്റര് ആശുപത്രിയില്.
മലയാളമടക്കം മൂന്ന് ഭാഷകളില് പിന്നണിഗാനരംഗത്ത് പ്രവര്ത്തിച്ചിട്ടുണ്ട്. സംഗീതപരിപാടിക്കായി കഴിഞ്ഞദിവസമാണ് ദുബായിലെത്തിയത്.
പനി ബാധിച്ചാണ് ആശുപത്രിയില് ചികിത്സ തേടിയത്. അടുത്തദിവസം സൗദിയിലും ദുബായിലും സംഗീതപരിപാടികളില് പങ്കെടുക്കാനിരിക്കെയാണ് മരണം. നിരവധി മാപ്പിളപ്പാട്ട് ആല്ബങ്ങളില് പാടി അഭിനയിച്ചിട്ടുണ്ട്.
‘പ്രഫസര് ഡിങ്കന്’ എന്ന മലയാള സിനിമയിലും, കന്നട സിനിമയിലും പാടിയിട്ടുണ്ട്.കമ്പളക്കാട് ഇറോത്ത് വീട്ടില് ഇബ്രായിയുടെയും സൈനബയുടെയും മകനാണ്. ഭാര്യ: ഷഹന നിസാര്.
