തിരുവനന്തപുരം: തിരുവനന്തപുരം മെട്രോ പദ്ധതി പാപ്പനംകോട് നിന്നും നേമം വരെ നീട്ടണമെന്ന് ആവശ്യവുമായി മുഖ്യമന്ത്രിക്ക് കത്ത് നല്കി രാജിവ് ചന്ദ്രശേഖര് എംഎല്എ.തിരുവനന്തപുരം മെട്രോ ട്രെയിന് പദ്ധതി ആരംഭിക്കാന് സര്ക്കാര് തീരുമാനമെടുത്തത് പാപ്പനംകോട് മുതല് ഈഞ്ചക്കല് വരെയാണ് . എന്നാല് പദ്ധതി ആരംഭിക്കുന്നത് പാപ്പനംകോട് നിന്നും മാറ്റി നേമം റെയില്വേ സ്റ്റേഷന് വരെ നീട്ടണമെന്ന് ആവശ്യവുമായിട്ടാണ് മുഖ്യമന്ത്രിക്ക് രാജിവ് ചന്ദ്രശേഖര് എംഎല്എ കത്ത് നല്കിയത്.
മെട്രോ റെയില് നേമം വരെ നീട്ടുന്നതോടുകൂടി തെക്കന് തിരുവനന്തപുരത്തെ യാത്രക്ലേശം പരിഹരിക്കാന് ഗുണകരമാകുമെന്ന് ചൂണ്ടിക്കാട്ടിയാണ് മുഖ്യമന്ത്രിക്ക് സ്ഥലം എംഎല്എ കൂടിയായ രാജീവ് ചന്ദ്രശേഖര് കത്ത് നല്കിയത്. മെട്രോ നേമം സ്റ്റേഷന് വരുന്നതോടുകൂടി വിഴിഞ്ഞം അന്താരാഷ്ട്ര തുറമുഖത്ത് അടക്കം കൂടുതല് പ്രയോജനകരമായി മാറുമെന്നും, ജനങ്ങളുടെ യാത്ര ക്ലേശം പരിഹരിക്കാന് ഇത് കൂടുതല് ഗുണകരമാകുമെന്നും രാജീവ്ചന്ദ്രശേഖര് എംഎല്എ പറഞ്ഞു.
