ന്യൂദല്ഹി: ജന്തര് മന്തറില് നടന്ന വിദ്യാര്ത്ഥിസമര പ്രതിഷേധത്തില് പങ്കെടുത്തവര്ക്കെതിരെ രജിസ്റ്റര് ചെയ്ത ക്രിമിനല് കേസുകള് റദ്ദാക്കാന് പ്രത്യേക അധികാരം ഉപയോഗിക്കണമെന്ന് ആവശ്യപ്പെട്ട് കേന്ദ്ര സര്ക്കാര് സുപ്രീം കോടതിയെ സമീപിച്ചു. നിര്ദേശം നാളെ പരിഗണിക്കാന് മാറ്റി. പ്രതിഷേധങ്ങളില് പങ്കെടുത്തതുമായി ബന്ധപ്പെട്ട് വിദ്യാര്ത്ഥികള്ക്കും പ്രതിഷേധക്കാര്ക്കുമെതിരെ രജിസ്റ്റര് ചെയ്ത ക്രിമിനല് കേസുകള് പിന്വലിക്കുക എന്നത് സിജെപിയും സര്ക്കാരും തമ്മിലുള്ള ചര്ച്ചകളില് പ്രധാന വിഷയമായിരുന്നു. ചീഫ് ജസ്റ്റിസ് സൂര്യകാന്ത് ഉള്പ്പെട്ട ബെഞ്ചിന് മുമ്പാകെ സോളിസിറ്റര് ജനറല് തുഷാര് മേത്തയാണ് ആര്ട്ടിക്കിള് 142 പ്രകാരമുള്ള പ്രത്യേക അധികാരങ്ങള് ഉപയോഗിക്കണമെന്ന് നിര്ദേശിച്ചത്.
ഇന്ത്യന് ഭരണഘടനയുടെ ആര്ട്ടിക്കിള് 142 പ്രകാരം ഏതൊരു കേസിലും സുപ്രീം കോടതിക്ക് സമ്പൂര്ണ്ണ നീതി ഉറപ്പാക്കുന്നതിനായി അസാധാരണവും വിപുലവുമായ വിവേചനാധികാരമുണ്ട്.
