കൊല്ലം: ഇലക്ട്രിക് വീൽചെയറിൽ സഞ്ചരിക്കുകയായിരുന്ന ഭിന്നശേഷിക്കാരനെ കാറിടിച്ച് വീഴ്ത്തിയ സംഭവത്തിൽ കേസെടുക്കാതെ പോലീസ്. കൊല്ലം ശൂരനാട് സ്വദേശി ഭിന്നശേഷിക്കാരനായ ജാസ്മീറിനെയാണ് കാറിടിച്ച് വീഴ്ത്തിയത്. അപകടത്തിൽ യുവാവിന് മുഖത്തും ശരീരത്തിലും പരുക്കേറ്റു.
സംഭവം ചോദ്യം ചെയ്ത ജാസ്മീറിന്റെ ബന്ധു റിയാസിന് എതിരെയും കാർ യാത്രക്കാരൻ ക്രൂരമായി മർദിച്ചു. ഇതു സംബന്ധിച്ച് പരാതി നൽകിയിട്ടും നടപടിയില്ലെന്ന് ആക്ഷേപവും ശക്തമാണ്. അപകട സമയത്ത് കാർ ഓടിച്ചത് ലീഗ് നേതാവിന്റെ മകനാണെന്നാണ് വിവരം.
കാർ റോങ്ങ് സൈഡിൽ ആയിരുന്നു. എന്നാൽ കാർ ഓടിച്ച നാദിർഷായുടെ പരാതിയിൽ അഞ്ചുപേർക്കെതിരെ പോലീസ് കേസെടുത്തു.
