ന്യൂദല്‍ഹി: സമീപകാലത്തുണ്ടായ പഞ്ചസാര വിലവര്‍ദ്ധനവിന് കാരണം എഥനോള്‍ ഉത്പാദനത്തിനായി പഞ്ചസാര വകമാറ്റിയതാണെന്ന പ്രചാരണം തള്ളി കേന്ദ്ര ഭക്ഷ്യ വിതരണ മന്ത്രാലയം അറിയിച്ചു.
എഥനോള്‍ ഉത്പാദനത്തിനായി മാറ്റിവച്ച പഞ്ചസാരയുടെ വിഹിതം 2022-23ലെ 12 ശതമാനത്തില്‍ നിന്ന് 2025-26 ആയപ്പോഴേക്കും ഏകദേശം 9 ശതമാനമായി കുറയുകയാണ് ചെയ്തത്. കൂടാതെ, രാജ്യത്ത് ഉത്പാദിപ്പിക്കുന്ന എഥനോളിന്റെ മുക്കാല്‍ ഭാഗത്തോളവും ഇപ്പോള്‍ ധാന്യങ്ങളില്‍ നിന്നാണ്. പ്രത്യേകിച്ച് ചോളത്തില്‍ നിന്നാണ് നിര്‍മ്മിക്കുന്നത്. രാജ്യത്ത് പ്രതിവര്‍ഷം 320340 എല്‍എംടി പഞ്ചസാര ഉത്പാദിപ്പിക്കുന്നുണ്ട്. ആഭ്യന്തര ഉപഭോഗം ഏകദേശം 280290 എല്‍എംടി മാത്രമാണ്. ഉത്പാദനം അധികമാകുന്ന വര്‍ഷങ്ങളില്‍ അധികമായി വരുന്ന പഞ്ചസാരമാത്രമാണ് എഥനോള്‍ നിര്‍മാണത്തിനായി വകമാറ്റി ഉപയോഗിക്കുന്നതെന്നും കേന്ദ്രസര്‍ക്കാര്‍ വ്യക്തമാക്കി.
ചില പഞ്ചസാര മില്ലുകളും വ്യാപാരികളും നടത്തുന്ന കൃത്രിമ വിലക്കയറ്റവും പൂഴ്‌ത്തിവെപ്പുമാണ് അടുത്തിടെയുണ്ടായ വിലവര്‍ദ്ധനവിന് മറ്റൊരു കാരണം. ഇതിന്റെ അടിസ്ഥാനത്തില്‍ നിരവധി നടപടികള്‍ സ്വീകരിച്ചിട്ടുണ്ടെന്നും കേന്ദ്രമന്ത്രാലയം അറിയിച്ചു.
