പത്തനംതിട്ട: ശബരിമലയില് ഭക്തര്ക്കായുള്ള തിരുവോണ സദ്യ തിരുവിതാംകൂര് ദേവസ്വം ബോര്ഡ് ഇക്കുറി നേരിട്ട് നടത്തും. ഓണസദ്യയുടെ പേരിലുള്ള സ്പോണ്സര്ഷിപ്പുകളും പണപ്പിരിവുകളും ഒഴിവാക്കാനാണ് നേരിട്ട് നടത്താന് തീരുമാനിച്ചതെന്ന് അധികൃതര് അറിയിച്ചു.സന്നിധാനത്ത് എത്തുന്ന എല്ലാ ഭക്തര്ക്കും തിരുവോണസദ്യ നല്കാനുള്ള ഒരുക്കങ്ങളെല്ലാം പൂര്ത്തിയാക്കി.
ആദ്യമായാണ് തിരുവോണ സദ്യ ബോര്ഡ് നേരിട്ടു നടത്തുന്നത്.
ഓണം പൂജയുമായി ബന്ധപ്പെട്ട് നട തുറക്കുന്ന സമയങ്ങളില് സന്നിധാനം, പമ്പ, നിലയ്ക്കല് ബേസ് ക്യാമ്പ് എന്നിവിടങ്ങളില് പ്ലാസ്റ്റിക് നിരോധനം, ശുചിത്വം എന്നിവ ഉറപ്പാക്കുന്നതിനും ശുചീകരണ പ്രവര്ത്തനം നിരീക്ഷിക്കുന്നതിനും വിവിധ ഉദ്യോഗസ്ഥരെ നിയമിച്ചതായി ജില്ലാ കലക്ടര് എ.നിസാമുദ്ദീന് അറിയിച്ചു.
