വാഷിങ്ടൺ : ഇറാനെ പരാജയപ്പെടുത്തിയ ശേഷം ഹോർമുസ് ജലപാത യുഎസ് പ്രദേശത്തിന്റെ ഭാഗമായി ഉടൻ പ്രഖ്യാപിക്കുമെന്ന് പ്രസിഡന്റ് ഡൊണാൾഡ് ട്രംപ് വെള്ളിയാഴ്ച പറഞ്ഞു. ന്യൂയോർക്ക് സംസ്ഥാനത്തെ ഒരു പോലീസ് അക്കാദമിയിൽ നടന്ന രാഷ്‌ട്രീയ റാലിയിലാണ് അദ്ദേഹം ചിരിച്ചുകൊണ്ട് ഇക്കാര്യം പറഞ്ഞത്.
“വളരെ ദയനീയമായി പരാജയപ്പെട്ടുകൊണ്ടിരിക്കുന്ന ഇറാനെ നമ്മൾ പരാജയപ്പെടുത്തിക്കഴിഞ്ഞാൽ – വളരെ വേഗം ഞാൻ ഹോർമുസ് കടലിടുക്ക് അമേരിക്കയുടെ പ്രദേശമായി പ്രഖ്യാപിക്കും,”- അദ്ദേഹം പറഞ്ഞു.
കൂടാതെ ഇറാന്റെ വിവാദപരമായ ആണവ പദ്ധതി അവസാനിപ്പിക്കുകയും ജനകീയ പ്രക്ഷോഭത്തിന് തിരികൊളുത്തുകയും ചെയ്യുക എന്ന പ്രഖ്യാപിത ലക്ഷ്യത്തോടെയാണ് ഫെബ്രുവരി 28 ന് ട്രംപ് ഇസ്രായേലുമായി ചേർന്ന് ഇറാനെതിരെ യുദ്ധം ആരംഭിച്ചത്.
എന്നിരുന്നാലും ആഗോള ഊർജ്ജത്തിനും മറ്റ് ചരക്ക് ഗതാഗതത്തിനും വലിയ തോതിൽ സുപ്രധാന പാതയായ ഹോർമുസ് കടലിടുക്കിന്റെ ഭൂരിഭാഗ നിയന്ത്രണം സ്ഥാപിച്ചുകൊണ്ട് ഇറാൻ തിരിച്ചടിച്ചു. ഇതെ തുടർന്ന് ഇറാനുമായുള്ള കടലിടുക്കിന്റെ പേരിൽ അമേരിക്ക ഇപ്പോഴും ഒരു പ്രതിസന്ധിയിലാണ്. കൂടാതെ ഇറാന്റെ സമ്പദ്‌വ്യവസ്ഥയെ തകർക്കാൻ യുഎസ് നാവികസേന ഇറാനിയൻ തുറമുഖങ്ങൾ ഉപരോധിക്കുകയും ചെയ്തു.
