കൊച്ചി:യുവതിയെ വീട്ടില് വിളിച്ച് വരുത്തി ആണ് സുഹൃത്ത് കുത്തിക്കൊന്നു. വടക്കന് പറവൂരില് ആണ് സംഭവം.
ചൂണ്ടി സ്വദേശിനി സുരമ്യ (24 യെ കൊലപ്പെടുത്തിയ പ്രതി ഷിബിനെ (34) വടക്കേക്കര പൊലീസ് കസ്റ്റഡിയില് എടുത്തു.ഇയാളെ റിമാന്ഡ് ചെയ്തു.വ്യാഴാഴ്ച രാവിലെ പതിനൊന്ന് മണിയോടെയാണ് കൊലപാതകം നടന്നത്.വടക്കന് പറവൂരില് വടക്കേക്കര മുറവന്തുരുത്തിലെ ഷിബിന്റെ വീട്ടില് വച്ചാണ് യുവതിയെ കൊലപ്പെടുത്തിയത്.
ആറു വര്ഷമായി സൗഹൃദത്തിലായിരുന്നു ഇരുവരും. സുരമ്യ ഷിബിന്റെ വീട്ടിലെത്തി മുറി അടച്ചിരുന്ന് സംസാരിക്കുന്നതിനിടെ പെട്ടെന്നുണ്ടായ പ്രകോപനത്തില് ഷിബിന് സുരമ്യയെ ആക്രമിക്കുകയായിരുന്നു. ഷിബിന്റെ മാതാവ് ഈ സമയം വീട്ടില് ഉണ്ടായിരുന്നു.ശബ്ദം കേട്ട് വീടിന്റെ പിറക് വശത്ത് നിന്നും ഇവര് ഓടിയെത്തുമ്പോഴേക്കും യുവതി മരിച്ചു.
അതേസമയം, കൊലപാതകത്തിന് കാരണം വ്യക്തമല്ല. സുരമ്യ ഇടയ്ക്ക് ഷിബിന്റെ വീട്ടിലെത്താറുണ്ട്. ബന്ധം പിരിയണമെന്ന് യുവതി ആവശ്യപ്പെട്ടെന്നും ഇക്കാര്യത്തില് ഇരുവരും തമ്മില് നേരത്തെ വഴക്ക് നടന്നെന്നും പറയപ്പെടുന്നു.
എടത്തലയില് നിന്നും കഴിഞ്ഞ പഞ്ചായത്ത് തെരഞ്ഞെടുപ്പില് എന് ഡി എ സ്ഥാനാര്ത്ഥിയായി സുരമ്യ മത്സരിച്ചിരുന്നു.
