തിരുവനന്തപുരം:കേരള സര്‍വകലാശാലയിലെ ലാ കോളേജുകളില്‍ എല്‍ എല്‍ ബി പരീക്ഷാ മൂല്യനിര്‍ണയ രീതി മാറ്റും.ഉത്തരക്കടലാസ് രണ്ട് അധ്യാപകര്‍ മൂല്യനിര്‍ണയം നടത്തും.
വ്യാഴാഴ്ച ചേര്‍ന്ന സര്‍വകലാശാലാ സിന്‍ഡിക്കേറ്റ് യോഗത്തിലാണ് തീരുമാനം.പരാതിയുള്ള വിദ്യാര്‍ഥികള്‍ക്ക് സൂക്ഷ്മ പരിശോധനയ്‌ക്കായി ഉത്തര കടലാസുകള്‍ നല്‍കും.
പുനര്‍മൂല്യ നിര്‍ണയത്തിന് പേപ്പറൊന്നിന് ഫീസ് ഈടാക്കിയത് 850 രൂപയാണ്.ചോദ്യപേപ്പര്‍ മുന്‍കൂട്ടി പരീക്ഷാ കേന്ദ്രങ്ങളിലെത്തിക്കുന്നത് ഒഴിവാക്കി ഓണ്‍ലൈനായിട്ടായിരിക്കും ചോദ്യപേപ്പര്‍ ഇനി സര്‍വകലാശാലകളിലേക്ക് എത്തിക്കുക. ലാ കോളജുകളില്‍ കേന്ദ്രീകൃത മൂല്യനിര്‍ണയ ക്യാമ്പുകള്‍ നടപ്പിലാക്കാനാണ് കേരള സര്‍വകലാശാല ഒരുങ്ങുന്നത്.പ്രവര്‍ത്തനങ്ങള്‍ ഡിജിറ്റലാക്കുന്ന K REAP സോഫ്റ്റ്വെയറില്‍ നിന്ന് പിന്മാറുമെന്നും സൂചനയുണ്ട്.
