ഭോപ്പാൽ : മധ്യപ്രദേശിൽ അനധികൃതമായി താമസിച്ചുവന്ന ബംഗ്ലാദേശ് പൗരന്മാരാർ പിടിയിൽ. സ്ത്രീകളും കുട്ടികളും ഉൾപ്പെടെ 13 പേരെയാണ് ഗ്വാളിയാർ പോലീസ് ചൊവ്വാഴ്ച കസ്റ്റഡിയിലെടുത്തതായി ഒരു ഉദ്യോഗസ്ഥൻ പറഞ്ഞത്.
അറസ്റ്റിലായവരിൽ ഏഴ് പുരുഷന്മാരും മൂന്ന് സ്ത്രീകളും ഉൾപ്പെടുന്നുവെന്ന് പോലീസ് പറഞ്ഞു. ഇവരെല്ലാവരും വ്യത്യസ്ത സ്ഥലങ്ങളിൽ നിന്നാണ് അറസ്റ്റിലായത്. മധ്യപ്രദേശ് നഗരത്തിലെ വാടക വീടുകളിലാണ് ഇവർ താമസിച്ചിരുന്നത്.
രഹസ്യ വിവരത്തെ തുടർന്ന് പോലീസ് പ്രത്യേക ഓപ്പറേഷൻ ആരംഭിച്ച് 13 പേരെ കസ്റ്റഡിയിലെടുത്തതായി ഗ്വാളിയോർ സീനിയർ പോലീസ് സൂപ്രണ്ട് (എസ്എസ്പി) ധരംവീർ സിംഗ് മാധ്യമപ്രവർത്തകരോട് പറഞ്ഞു.
“അവരുടെ രേഖകൾ പരിശോധിച്ചുവരികയാണ്. അന്വേഷണത്തിൽ അവരുടെ (ബംഗ്ലാദേശ്) പൗരത്വം സ്ഥിരീകരിച്ചാൽ, അവർക്കെതിരെ നിയമനടപടി സ്വീകരിക്കും,”- അദ്ദേഹം കൂട്ടിച്ചേർത്തു.
