കോഴിക്കോട് : പത്തുവര്‍ഷങ്ങള്‍ക്കു ശേഷം കോണ്‍ഗ്രസ് അധികാരത്തില്‍ വന്നതോടെ ഖാദി വസ്ത്രങ്ങള്‍ക്കും നല്ലകാലം വന്നു. കേന്ദ്രത്തിലും കേരളത്തിലും അധികാരമില്ലാതിരുന്നതിനാല്‍ ഖദര്‍ വസ്ത്രങ്ങളെല്ലാം ഉപേക്ഷിച്ച മട്ടിലായിരുന്നു സാധാരണ കോണ്‍ഗ്രസ് പ്രവര്‍ത്തകര്‍. എന്നാല്‍ കേരളത്തില്‍ വീണ്ടും അധികാരം ലഭിച്ചതോടെ അനുയായികളും അനുഭാവികളും മാത്രമല്ല, കാര്യസാധ്യക്കാരും വീണ്ടും ഖദറിലേക്കു മാറി. പല ഔട്ട്‌ലെറ്റുകളില്‍ വില്‍പ്പന ഇരട്ടിയായി. മുണ്ടിനും ഷര്‍ട്ടിനുമാണ് ആവശ്യക്കാര്‍ ഏറെ.
ഖാദി വസ്ത്രങ്ങളുടെ വില്പനയിലെ വര്‍ദ്ധനവുസംബന്ധിച്ച് മിഠായി തെരുവ് ഖാദി എംപോറിയത്തിലെ കണക്കാണ് ഇപ്പോള്‍ പുറത്തു വന്നിരിക്കുന്നത്. ഇവിടെ മാത്രം കഴിഞ്ഞ നാലുമാസത്തിനകം 30 ശതമാനം വരെ വില്‍പ്പനയില്‍ വര്‍ദ്ധന ഉണ്ടായെന്നാണ് കണക്ക്. 25 ഏപ്രില്‍, മെയ്, ജൂണ്‍.ജൂലായ് മാസങ്ങളില്‍ 1.36 കോടി രൂപയുടെ വില്‍പ്പനയാണ് ഇവിടെ നടന്നത്. എന്നാല്‍ 26 ല്‍ അത് 1.63 കോടി രൂപയായി ഉയര്‍ന്നു. 26.6 ലക്ഷം രൂപയുടെ വര്‍ദ്ധന.
