കോട്ടയം :വിദ്യാഭ്യാസ കാര്യങ്ങളില് അമിതമായി രാഷ്ട്രീയം കലര്ത്തി പഠനകാര്യങ്ങളെ തന്നെ താറുമാറാക്കുന്നതാണ് എസ് എഫ് ഐയുടെ രീതി. എം ജി സര്വകലാശാല നടത്തുന്ന നാഷണല് കോണ്ഫറന്സിലും പതിവ് രീതി തന്നെയാണ് എസ് എഫ് ഐയുടേത്.
നാഷണല് കോണ്ഫറന്സിന്റെ പ്രചാരണാര്ത്ഥം സ്ഥാപിച്ച ഫ്ലക്സില് പാറ്റയുടെ ചിത്രം ഉള്പ്പെടുത്തിയതാണ് ഇപ്പോള് വിവാദമായിട്ടുളളത്.സര്വകലാശാല ഫണ്ട് ഉപയോഗിച്ച് നടത്തുന്ന പരിപാടിയില് രാഷ്ട്രീയം അനുവദിക്കില്ലെന്ന നിലപാടിലാണ് വൈസ് ചാന്സലര്.ഫ്ലക്സ് എത്രയും വേഗം എടുത്തു മാറ്റണമെന്ന് വി സി ആവശ്യപ്പെട്ടെങ്കിലും വെല്ലുവിളിക്കുകയാണ് എസ് എഫ് ഐ.
വി സിയെ വെല്ലുവിളിച്ച് പാറ്റയുടെ ചിത്രമുളള കൂടുതല് ഫ്ളക്സുകള് സ്ഥാപിച്ചു.എന്നിട്ട് വാദമുയര്ത്തുന്നത് ഫ്ലക്സില് രാഷ്ട്രീയമില്ലെന്നും ദല്ഹിയില് സമരം ചെയ്ത വിദ്യാര്ഥികളോടുള്ള ഐക്യദാര്ഢ്യമെന്നും!.ഒരു കാരണവശാലും ബോര്ഡ് മാറ്റില്ലെന്ന നിലപാടിലാണ് യൂണിയന്.
അമിത രാഷ്ട്രീയവത്കരണം കേരളത്തിലെ കലാലയങ്ങളിലെ പഠന പ്രവര്ത്തനങ്ങളെ ദോഷകരമായി ബാധിക്കുന്നുണ്ട്. ഇതില് മനംമടുത്താണ് വിദ്യാര്ത്ഥികള് ഇതര സംസ്ഥാനങ്ങളിലേക്കും വിദേശ രാജ്യങ്ങളിലേക്കും പഠനത്തിനായി പോകുന്നത്.ഇടത് കക്ഷികളിലെ വിവിധ നേതാക്കളുടെ മക്കള് വിദേശങ്ങളിലോ ഇതര സംസ്ഥാനങ്ങളിലോ പഠിച്ചവരോ പഠിക്കുന്നവരോ ആണെന്ന് മുമ്പ് പലരും ചൂണ്ടിക്കാട്ടിയിട്ടുണ്ട്.
എസ് എഫ് ഐയുടെ നിലപാട് ഇരട്ടത്താപ്പും നാട്ടില് പഠിക്കുന്ന വിദ്യാര്ത്ഥികളോടുളള ക്രൂരതയാണെന്നും ആക്ഷേപമുണ്ടെങ്കിലും സംഘടനയ്ക്ക് രാഷ്ട്രീയ ലക്ഷ്യം മാത്രമേ ഉളളൂവെന്നാണ് ചെയ്തികളിലൂടെ വെളിവാകുന്നത്.
