ഭോപ്പാല്‍: ജുഡീഷ്യറിയെ വിമര്‍ശിക്കുന്നത് ജനാധിപത്യ സ്ഥാപനങ്ങളെ ശക്തിപ്പെടുത്തുമെന്ന് സുപ്രീം കോടതി ജസ്റ്റിസ് ഉജ്ജല്‍ ഭൂയാന്‍. ഭോപ്പാലിലെ നാഷണല്‍ ലോ ഇന്‍സ്റ്റിറ്റ്യൂട്ട് യൂണിവേഴ്‌സിറ്റിയില്‍ നടന്ന ജസ്റ്റിസ് ജിപി സിംഗ് സ്മാരക പ്രഭാഷണം നടത്തുകയായിരുന്നു അദ്ദേഹം. ജുഡീഷ്യറി വിമര്‍ശനത്തിന് അതീതമല്ല. നിയമ സമൂഹം വിധിന്യായങ്ങളെ വിമര്‍ശനാത്മകമായി പരിശോധിക്കണം. പൊതുജന വിശ്വാസം നിലനിര്‍ത്തണമെങ്കില്‍ ജഡ്ജിമാര്‍ ആത്മപരിശോധന നടത്തണമെന്നും അദ്ദേഹം ആഹ്വാനം ചെയ്തു.
വിയോജിപ്പിന്റെയോ പ്രതിഷേധത്തിന്റെയോ പേരില്‍ ക്രിമിനല്‍ നടപടികള്‍ നേരിടുന്ന പൗരന്മാര്‍ സമര്‍പ്പിക്കുന്ന ഹര്‍ജികള്‍ ഇന്ത്യയിലെ കോടതികള്‍ കൈകാര്യം ചെയ്യുന്നത് മര്യാദയില്ലാത്ത രീതിയിലാണെന്ന് അദ്ദേഹം വിമര്‍ശിച്ചു.
പ്രതിഷേധിക്കാനുള്ള അവകാശം വിനിയോഗിക്കുന്നതിന് പൗരന്മാര്‍ കൂടുതല്‍ കൂടുതല്‍ ക്രിമിനല്‍ നടപടികള്‍ നേരിടുന്നു. പല കേസുകളിലും കോടതികളില്‍ നിന്നുള്ള ആശ്വാസം വൈകിയാണ് വരുന്നതെന്നും കര്‍ക്കശമായ ജാമ്യ വ്യവസ്ഥകള്‍ ന്യായമായ വിയോജിപ്പുകളെ നിരുത്സാഹപ്പെടുത്തുന്നുവെന്നും അദ്ദേഹം പറഞ്ഞു.
ജുഡീഷ്യറി വിമര്‍ശനത്തിന് അതീതമല്ല, ജഡ്ജിമാര്‍ ആത്മപരിശോധന നടത്തണമെന്നും ജസ്റ്റിസ് ഉജ്ജല്‍ ഭൂയാന്‍
ചില ഹര്‍ജികള്‍ ഇന്ത്യയിലെ കോടതികള്‍ കൈകാര്യം ചെയ്യുന്നത് മര്യാദയില്ലാത്ത രീതിയിലാണെന്ന് വിമര്‍ശനം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.