ചാങ്ഷൗ: നാട്ടുകാരിയായ ഉന്നതി ഹൂഡയെ തോല്പ്പിച്ച് ഭാരത താരം പി. വി. സിന്ധു ചൈന ഓപ്പണ് പ്രീക്വാര്ട്ടറില് കടന്നു. ജപ്പാന് ഓപ്പണിലെ വിജയത്തിന് പിന്നാലെയുള്ള സിന്ധുവിന്റെ ആദ്യ മത്സരമായിരുന്നു ഇത്. ലോക 15-ാം നമ്പര് താരം ഹൂഡയെ സ്കോര് 21-14, 9-21, 21-10ന് പരാജയപ്പെടുത്തുകയായിരുന്നു. നട്സുകി നിദൈറയെ പരാജയപ്പെടുത്തിയ നാലാം സീഡ് ചൈനയുടെ ചെന് യു ഫെയി ആണ് സിന്ധുവിന്റെ പ്രീക്വാര്ട്ടര് എതിരാളി.
പുരുഷ സിംഗിള്സില്, ആയുഷ് ഷെട്ടി ലോക 11-ാം നമ്പര് ഇന്തോനേഷ്യയുടെ അല്വി ഫര്ഹാനെ പരാജയപ്പെടുത്തി. മുന് ജൂനിയര് ചാമ്പ്യനെതിരെ സ്കോര് 21-17, 5-21, 21-17നായിരുന്നു ആയുഷിന്റെ വിജയം. 2023 ലെ ലോക ജൂനിയര് ചാമ്പ്യന്ഷിപ്പിന്റെ സെമിഫൈനലില് ഷെട്ടി ഇന്തോനേഷ്യന് താരത്തോട് പരാജയപ്പെട്ടിരുന്നു. വനിതാ ഡബിള്സില് ധ്രുവ് കപില-തനിഷ ക്രാസ്റ്റോ സഖ്യം സിന് വാ ഗുവോ-ഫാങ് ഹുയ് ചെന് എന്നിവരോട് നേരിട്ടുള്ള ഗെയിമുകള്ക്ക് (21-18, 21-18) പരാജയപ്പെട്ടു. ഭാരതത്തിന്റെ പുരുഷ ഡബിള്സ് താരങ്ങളായ എം.ആര്. അര്ജുന്-ഹരിഹരന് അംസകരുണന് സഖ്യം നാലാം സീഡായ വെയ് കെങ് ലിയാങ്ങിനോടും ചാങ് വാങ്ങിനോടും കീഴടങ്ങി.
