ന്യൂദല്ഹി: സിആര്പിഎഫിന്റെ ഭാഗമായ റാപിഡ് ആക്ഷന് ഫോഴ്സുകാരാണ് കോക്രോച്ച് പാര്ട്ടിക്ക് വേണ്ടി സമരം ചെയ്ത വിദ്യാര്ത്ഥികളെ എറിയാന് ലോറിയില് കല്ലും കൊണ്ട് വന്നതെന്ന ഗുരതരമായ പ്രസ്താവനയുമായി രഞ്ജിനി ഹരിദാസ്. സമരക്കാര് കല്ലു കൊണ്ടുവരുന്ന സിസിടിവി ദൃശ്യങ്ങള് പൊലീസിന്റെ കൈവശം ഉള്ളപ്പോഴാണ് രഞ്ജിനി ഹരിദാസ് ഗുരുതരമായ ഈ ആരോപണം നടത്തിയിരിക്കുന്നത്.
“കല്ല് നിറച്ച ഒരു ലോറിയും കൊണ്ട് വന്ന് അവര് തന്നെ ആളുകളെക്കൊണ്ട് വിദ്യാര്ത്ഥികളെ എറിയിക്കുന്നു. എന്നിട്ട് സമരക്കാര് അക്രമം നടത്തുന്നു എന്ന് പറഞ്ഞ് അവര്ക്കെതിരെ ലാത്തിച്ചാര്ജ്ജ് നടത്തുന്നു. ഇതെന്താണ് വെള്ളരിക്കാപ്പട്ടണമോ. ആരും തിരിച്ച് അടിക്കുന്നില്ല. അടിച്ചോ എന്ന് പറഞ്ഞ് നിന്നു കൊടുക്കുകയാണ്.”- സിജെപി സമരത്തെ നൂറ് ശതമാനവും ന്യായീകരിച്ച് കൊണ്ട് ഇങ്ങിനെ ഒരു പ്രസ്താവന നടത്താന് സമരത്തിലെ എല്ലാ ഭാഗങ്ങളും രഞ്ജിനി ഹരിദാസ് കണ്ടുവോ എന്ന ചോദ്യമാണ് ഉയരുന്നത്.
സോനം വാങ്ചുകിനെ ഒരു ശവശരീരം പോലെ എടുത്തുകൊണ്ട് പോകുന്നത് കണ്ടപ്പോഴാണ് സിജെപി സമരത്തില് ഇടപെടണമെന്ന് തോന്നിയതെന്ന് രഞ്ജിനി ഹരിദാസ് പറഞ്ഞു. പണ്ട് അന്ന ഹസാരെ സമരം ചെയ്യുമ്പോള് തോന്നാത്ത, പഹല് ഗാമില് പാകിസ്ഥാന് ഭീകരര് ഇന്ത്യക്കാരെ വെടിവെച്ച് കൊല്ലുമ്പോള് തോന്നാത്ത എന്ത് വികാരമാണ് രഞ്ജിനി ഹരിദാസിന് സോനം വാങ്ചുകിനെക്കുറിച്ച് തോന്നിയത് എന്നും ചോദ്യങ്ങള് സമൂഹമാധ്യമങ്ങളില് ഉയരുന്നുണ്ട്.
സമാധാനപരമായി നടത്തിയ സമരത്തെ അക്രമാസക്തമാക്കിയത് പൊലീസാണെന്നും രഞ്ജിനി ആരോപിക്കുമ്പോള് സിസിടിവി ക്യാമറകളില് തെളിഞ്ഞ ദൃശ്യങ്ങള്ക്കെതിരെയാണ് രഞ്ജിനി ഹരിദാസ് സംസാരിക്കുന്നത്. വെള്ളത്തുണി കൊണ്ട് പൊതിഞ്ഞ് സോനം വാങ്ചുകിനെ എടുത്തുകൊണ്ട് പോകുന്നത് കണ്ടുവെന്നും അതു കണ്ടപ്പോഴാണ് ഈ സമരത്തില് പങ്കെടുക്കാന് തോന്നിയതെന്നും രഞ്ജിനി ഹരിദാസ്. ബാഹ്യമായ സ്വാധീനമാണോ അതോ സ്വയം എടുത്ത തീരുമാനമാണോ രഞ്ജിനിയുടേതെന്ന് അറിയേണ്ടിയിരിക്കുന്നു.
സോനം വാങ്ചുകിനെ അറസ്റ്റ് ചെയ്യുന്നത് ടിവിയില് കണ്ട് മനസ്സലിഞ്ഞാണ് തിങ്കളാഴ്ച രാവിലെ ഒമ്പത് മണിക്ക് ദല്ഹിയില് ജന്തര്മന്തറില് സിജെപി സമരത്തില് പങ്കെടുക്കാന് എത്തിയതെന്നാണ് രഞ്ജിനി ഹരിദാസ് പറയുന്നത്.
