പുത്രകാമേഷ്ടിയാഗത്തിനുശേഷം ലഭിച്ച ദിവ്യപായസം ദശരഥന്‍ തന്റെ ഭാര്യമാരായ കൗസല്യ, കൈകേയി, സുമിത്ര എന്നിവര്‍ക്ക് നല്‍കി. കാലം പൂര്‍ത്തിയായപ്പോള്‍ കൗസല്യയ്‌ക്ക് ശ്രീരാമനും, കൈകേയിക്ക് ഭരതനും, സുമിത്രയ്‌ക്ക് ലക്ഷ്മണനും ശത്രുഘ്‌നനും ജനിച്ചു. ധര്‍മ്മം ഭൂമിയില്‍ വീണ്ടും പ്രതിഷ്ഠിക്കപ്പെടുമെന്ന പ്രത്യാശയില്‍ അയോധ്യ ആഹ്ലാദത്തിലാറാടി.
രാമനെ അത്ഭുതങ്ങള്‍ കാട്ടുന്ന ദൈവമായല്ല, മാതാപിതാക്കളുടെ സ്‌നേഹത്തില്‍ വളരുന്ന ശിശുവായിട്ടാണ് അവതരിപ്പിച്ചിരിക്കുന്നത്. അതാണ് രാമായണത്തിന്റെ പ്രത്യേകത. ദിവൃത്വത്തിലേക്കുള്ള യാത്ര മനുഷ്യജീവിതത്തിലൂടെയാണ് ആരംഭിക്കുന്നത്.
രാമസ്പര്‍ശം: ഓരോ ജനനവും പ്രത്യാശയുടെ ഉദയമാണ്.
ജന്മഭൂമി ഓണ്‍ലൈന്‍