കർണാടകയിലെ മൈസൂരു മനുഗണഹള്ളിയിൽ വീട് കുത്തിത്തുറന്ന് കവർച്ച നടത്തിയ കേസുമായി ബന്ധപ്പെട്ട് രണ്ട് മലയാളി യുവാക്കളെ ബിളികെരെ പോലീസ് അറസ്റ്റ് ചെയ്തു. ഇവരിൽ നിന്ന് 9 ലക്ഷം രൂപ വിലമതിക്കുന്ന സ്വർണാഭരണങ്ങളും കവർച്ചയ്‌ക്ക് ഉപയോഗിച്ച 4.5 ലക്ഷം രൂപ വിലവരുന്ന ബെലേനോ കാറും പോലീസ് കണ്ടെടുത്തു. പട്ടാമ്പി സ്വദേശിയായ എം. ജിഷ്ണു രാജഗോപാൽ (31) – മണ്ടംകായിൽ വീട്, കുമ്പിടി ഗ്രാമം, കൂടല്ലൂർ, , പാലക്കാട് സ്വദേശിയായ .എസ്. ആകാശ് (29) – ചിറയ്‌ക്കൽ, കുന്നത്തൂർമേട് എന്നിവരുമാണ് പിടിയിലായവർ.
2025 നവംബർ 21-നാണ് കേസിനാസ്പദമായ കവർച്ച നടന്നത്. മനുഗണഹള്ളിയിലെ അടച്ചിട്ട വീട് കുത്തിത്തുറന്നാണ് ഇവർ സ്വർണം കവർന്നത്. : മൈസൂരു റൂറൽ ജില്ലാ പോലീസ് മേധാവി മല്ലികാർജുൻ ബാലദണ്ടിയുടെ നിർദ്ദേശപ്രകാരം നടന്ന വിശദമായ അന്വേഷണത്തിനൊടുവിലാണ് പ്രതികൾ വലയിലായത്.: അന്തർസംസ്ഥാന കവർച്ചാ സംഘത്തിലെ അംഗങ്ങളായ ഇവരെ പിടികൂടിയതോടെ പ്രദേശത്തെ പ്രധാനപ്പെട്ട ഒരു മോഷണക്കേസിനാണ് ബിളികെരെ പോലീസ് തുമ്പുണ്ടാക്കിയത്.
