അറ്റ്ലാന്റ അര്ജന്റീനന് താരം ലയണല് മെസ്സി 30 വര്ഷത്തോളമായി അന്താരാഷ്ട്ര ഫുട്ബാളില് കളിക്കുന്നു. ഇദ്ദേഹത്തിന്റെ ഏറ്റവും വലിയ പ്രത്യേകത ഗോളടിച്ചുകൂട്ടുക എന്നത് തന്നെയാണ്. ചെറിയ അവസരങ്ങള് പോലും ഗോളാക്കുന്നു എന്നതാണ് മെസ്സിയുടെ സവിശേഷത. എന്നാല് ഒരു ഫുട്ബാള് താരത്തിനാവശ്യമായ പലതും മെസ്സിക്കില്ല. ഉയരം കുറവാണ്. അതിവേഗത്തില് ഓടാന് കഴിയുന്ന ആളല്ല. ഇപ്പോഴാണെങ്കില് പ്രായവുമായി. എന്നിട്ടും ഈ ലോകകപ്പില് എംബാപ്പെയ്ക്കൊപ്പം എട്ട് ഗോളുകള് നേടി മെസ്സി ഗോള്ഡന് ബൂട്ടിന് മുന്പന്തിയില് നില്ക്കുകയാണ്. എങ്ങിനെയാണ് മെസ്സിക്ക് ഇങ്ങിനെ ഗോളടിക്കാന് കഴിയുന്നത്?
ഉറച്ച ശരീരപേശികള്, വേഗത, ഉയരം, ഫിറ്റ്നസ്, സ്റ്റാമിന…എന്നിവ ഒരു കായികതാരത്തിന്റെ മിനിമം ഗ്യാരണ്ടികളാണെങ്കില് ഇതെല്ലാം ആവറേജ് ആയി മാത്രമേ മെസ്സിയില് ഉള്ളൂ. വേഗതയില് കാര്യമില്ല, അല്പം ബുദ്ധിപൂര്വ്വം നേരത്തെ നീങ്ങിയാല് വേഗത കൈവരിക്കാവുന്നതേയുള്ളൂ എന്നാണ് പഴയ ഡച്ച് ഫുട്ബാള് ഇതിഹാസമായ ജോഹാന് ക്രൈഫ് പറയുന്നു.വേഗത്തില് ഓടുന്നതിലല്ല കാര്യം ഗോളടിക്കാന് അവസരമുള്ള ഇടത്തേക്ക് ആദ്യം ഓടിയെത്തുന്നതിലാണ് കാര്യം എന്നാണ് ജോഹാന് ക്രൈഫ് പറയുന്നത്.അത് ചെയ്യുന്നതില് മെസ്സിക്ക് അങ്ങേയറ്റം മിടുക്കുണ്ട്. അതാണ് മെസ്സിയെ വ്യത്യസ്തനാക്കുന്നത്.
മെസ്സിയെ ഒരു മുപ്പത് സെക്കന്റ് നിരീക്ഷിച്ചാല് മെസ്സിയുടെ ഗോളടിക്കുന്ന രഹസ്യം പിടികിട്ടും. മെസ്സിയുടെ തല ഒരിയ്ക്കലും നിശ്ചലമായി ഇരിക്കുന്നില്ല. അത് സദാ ചലിച്ചുകൊണ്ടേയിരിക്കും. മെസ്സി ഇടത്തേക്കും വലത്തേക്കും പിന്നിലോട്ടും മുന്നിലോട്ടും സദാ തല ചലിപ്പിച്ചുകൊണ്ടേയിരിക്കും. മെസ്സി മൈതാനത്ത് നടത്തുന്ന സ്കാനിങ്ങ് ആണ് ഇതെന്ന് പറയുന്നു. ഈ സ്കാനിങ്ങിലൂടെ നേരത്തെ കൂട്ടി അവസരങ്ങള് മണത്തറിയാന് മെസ്സിക്ക് കഴിയും. അവിടേക്ക് അതിവേഗം ഓടിയെത്താനും മെസ്സിക്ക് സാധിക്കും.
മറ്റുള്ളവര് മരത്തില് കാണുമ്പോള് ഞാന് അത് മാനത്ത് കാണും എന്ന് പറഞ്ഞതുപോലെ മറ്റുള്ളവരേക്കാള് വേഗത്തില് ഒരു ഗോളടിക്കാനുള്ള സാധ്യത മെസ്സി കണക്കുകൂട്ടും. അതിനനുസരിച്ച് ഗോളടിക്കാന് പാകത്തില് പന്തെത്തുന്ന ഇടത്തിലേക്ക് മെസ്സി ഓടിയെത്തുമത്രെ. സദാ നടത്തുന്ന സ്കാനിങ്ങ് ആണ് ഇതിനെ സഹാായിക്കുന്നത്. മാത്രമല്ല, പന്ത് എത്തുന്നതിനൊപ്പം എതിരാളിയുടെ ഡിഫന്ഡര്മാര് എവിടെയൊക്കെ, തന്റെ ഫോര്വേഡ് താരങ്ങള് എവിടെയൊക്കെ എന്ന് മെസ്സി മനസ്സിലാക്കി കഴിഞ്ഞിരിക്കും. ഇതനുസരിച്ച് ഒന്നുകില് മെസ്സി സ്വയം ഗോളടിക്കാന് ശ്രമിക്കുകയോ അതല്ലെങ്കില് മറ്റുള്ളവര്ക്ക് ഗോളടിക്കാന് പന്ത് ഇട്ടുകൊടുക്കുകയോ ചെയ്യും.
അതായത് സദാ തല ഉപയോഗിച്ച് നാലുപാടും മൈതാനത്തെ സ്കാന് ചെയ്തുകൊണ്ടിരിക്കുന്നു എന്നത് തന്നെയാണത്രെ മെസ്സിയുടെ ഗോളടി രഹസ്യം
മെസ്സിയുടെ ഗോളടി രഹസ്യം വിശദീകരിക്കുന്ന വീഡിയോ
