ചെന്നൈ: 2026 ലെ നിയമസഭാ തെരഞ്ഞെടുപ്പില് പെരമ്പൂരില് നിന്നും തിരുച്ചിറപ്പള്ളി ഈസ്റ്റില് നിന്നുമുള്ള തമിഴ്നാട് മുഖ്യമന്ത്രി വിജയ്യുടെ വിജയങ്ങളെ ചോദ്യം ചെയ്യുന്ന ഹര്ജിയില് മദ്രാസ് ഹൈക്കോടതി നോട്ടീസ് അയച്ചു. വില്ലിവാക്കത്തില് നിന്നുള്ള വിജയത്തെ ചോദ്യം ചെയ്തുള്ള ഹര്ജിയില് മന്ത്രി ആധവ് അര്ജുനയ്ക്കും നോട്ടീസുണ്ട്. അതേസമയം ഹര്ജിയിലെ സത്യവാങ്മൂലങ്ങള്, ഫോം 25 എന്നിവയുമായി ബന്ധപ്പെട്ട പോരായ്മകള് പരിഹരിക്കാന് കോടതി സമയം അനുവദിച്ചു. ഇതിനു ശേഷമായിരിക്കും രജിസ്ട്രി നോട്ടീസുകള് പുറപ്പെടുവിക്കുക.
1951-ലെ ജനപ്രാതിനിധ്യ നിയമപ്രകാരമുള്ള അഴിമതി ആരോപണങ്ങള് ഉന്നയിക്കുമ്പോള്, തിരഞ്ഞെടുപ്പ് ഹര്ജിയോടൊപ്പം സമര്പ്പിക്കേണ്ട നിര്ദ്ദിഷ്ട സത്യവാങ്മൂല ഫോര്മാറ്റാണ് ഫോം 25. അത്തരം നടപടിക്രമങ്ങള് പാലിക്കാത്തതെന്തെന്ന് ജസ്റ്റിസ് വി ലക്ഷ്മിനാരായണന് വാക്കാല് ഹര്ജിക്കാരോട് ചോദിച്ചു.
