ന്യൂദല്ഹി: അയോധ്യ ശ്രീരാമക്ഷേത്രത്തിലെ സംഭാവന തട്ടിപ്പ് ആരോപണത്തില് ഉത്തര്പ്രദേശ് പൊലീസ് കേസെടുത്തു.രണ്ട് പേര് അറസ്റ്റിലായി.ക്ഷേത്ര ട്രസ്റ്റ് അംഗം കൃഷ്ണ മോഹന് നല്കിയ പരാതിയിലാണ് നടപടി.
എട്ട് പേര്ക്കെതിരെയാണ് എഫ്ഐആര് രജിസ്റ്റര് ചെയ്തിരിക്കുന്നത്. ടിന്നു യാദവ്, ലവ്കുശ് മിശ്ര, അനുകല്പ് മിശ്ര എന്നിവരാണ് കേസിലെ മുഖ്യപ്രതികള്.ലവ്കുശ് മിശ്ര, അനുകല്പ് മിശ്ര എന്നിവരെ അറസ്റ്റ് ചെയ്തെന്നാണ് വിവരം.ട്രസ്റ്റ് അംഗം ഡോ. അനില് മിശ്രയും സംശയ നിഴലിലാണ്. വിഷയത്തില് പ്രധാനമന്ത്രി നരേന്ദ്ര മോദി റിപ്പോര്ട്ട് തേടിയിരുന്നു. പ്രത്യേക അന്വേഷണ സംഘത്തിന്റെ പ്രാഥമിക അന്വേഷണ റിപ്പോര്ട്ട് യുപി സര്ക്കാര് പ്രധാനമന്ത്രിയുടെ ഓഫീസിന് കൈമാറിയിരുന്നു.
വിവാദങ്ങളുടെ പശ്ചാത്തലത്തില് അയോധ്യ ക്ഷേത്രത്തിന്റെ ഭരണ ചുമതല ജില്ലാ മജിസ്ട്രേറ്റിന് നല്കി.
