ടെല്‍ അവീവ്: ഇറാനെതിരെ ആക്രമണം നടത്തുന്നതിന് മുമ്പ് താന്‍ ഒരിക്കലും യുഎസ് പ്രസിഡന്റ് ഡൊണാള്‍ഡ് ട്രംപിന്റെ അനുമതി തേടിയിട്ടില്ലെന്നും രാജ്യത്തിന്റെ പദ്ധതികളെക്കുറിച്ച് അറിയിക്കുക മാത്രമാണ് ചെയ്തതെന്നും ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു.
പശ്ചിമേഷ്യയിലെ യുദ്ധം അവസാനിപ്പിക്കുന്നതിനുള്ള പ്രാരംഭ കരാറില്‍ അമേരിക്കയും ഇറാനും ധാരണയിലെത്തിയ സാഹചര്യത്തിലാണ് ഇസ്രായേല്‍ പ്രധാനമന്ത്രിയുടെ പ്രസ്താവന. കരാര്‍ തനിക്കു ബാധകമല്ലെന്ന് സൂചനയാണ് ഇതു വഴി നെതന്യാഹു നല്‍കുന്നത്.
ഫെബ്രുവരി 28 നാണ് അമേരിക്കയും ഇസ്രായേലും ഇറാനെതിരെ സംയുക്ത ആക്രമണം ആരംഭിച്ചത്. ഇറാന്റെ പരമോന്നത നേതാവ് ആയത്തുള്ള അലി ഖമേനിയും അടക്കം നിരവധി ഉന്നത ഇറാനിയന്‍ ഉദ്യോഗസ്ഥര്‍ കൊല്ലപ്പെട്ടു. ഇറാന്‍ ഇസ്രായേലിനും ഗള്‍ഫ് മേഖലയിലെ യുഎസ് താവളങ്ങള്‍ക്കും നേരെ മിസൈല്‍, ഡ്രോണ്‍ ആക്രമണങ്ങള്‍ നടത്തി. ഈ മേഖലയെ ഇത് വലിയ സംഘര്‍ഷത്തില്‍ കൊണ്ടുചെന്നെത്തിക്കുകയും ചെയ്തു.
