ന്യൂദല്‍ഹി: നമ്മുടെ മുരുക ഭഗവാന്‍ ചൈനയില്‍ ഉണ്ടെന്ന് എത്ര പേര്‍ക്കറിയാം?ചൈനീസ് ബുദ്ധമതത്തിൽ മുരുക ഭഗവാനും സുപ്രധാന സ്ഥാനമുള്ളതായി ചരിത്രം പറയുന്നു. ബോധിസത്വ ടുവോ പു-സ (വെയ് ടുവോ പുസ എന്നും വിളിപ്പേരുണ്ട്). എന്നാണ് ചൈനയില്‍ മുരുക ഭഗവാന്‍ അറിയപ്പെടുന്നത്. ബുദ്ധവിഹാരങ്ങളുടെയും ധർമ്മോപദേശങ്ങളുടെയും മുഖ്യ സംരക്ഷകനാണത്രെ ബോധിസത്വ ടുവോ പുസ . എട്ട് വിശുദ്ധ സംരക്ഷകരില്‍ ഒരാളായി ചൈനയിലെ ബുദ്ധമതക്കാര്‍ മുരുക ഭഗവാനെ കണക്കാക്കുന്നു.
ബോധിസത്വ ടുവോ പുസ എന്ന മുരുകഭഗവാനെ അവര്‍ പ്രത്യേക രീതിയിലാണ് വരച്ചിരിക്കുന്നത്. ചൈനയിലെ ഷെൻസി പ്രവിശ്യയിലെ ദാതോങ്ങിനടുത്തുള്ള യുങ്‌യാങ് ഗുഹകളിൽ മയിലിന്മേൽ കാലുകൾ വച്ചുകൊണ്ട് മഞ്ജുശ്രീയുടെ (മഞ്ജുശ്രീ) നേരെ മുഖം തിരിക്കുന്ന കാർത്തികേയന്റെ ചിത്രം ഒരു പാറ യില്‍ കൊത്തിയെടുത്തിട്ടുണ്ട്. , വടക്കൻ വെയ് രാജവംശത്തിന്റെ (എ.ഡി. 385 – 550) കാലഘട്ടത്തിൽ ഉള്ളതാണ് ഈ ചിത്രം.
എന്തായാലും ഇപ്പോള്‍ ചൈനയില്‍ മുരുകഭക്തരുടെ എണ്ണം വര്‍ധിക്കുന്നുവെന്ന് റിപ്പോര്‍ട്ട് പുറത്തുവന്നത് പ്രതീക്ഷയ്‌ക്ക് വക നല്‍കുന്നു. യാന്‍ എന്ന ചൈനീസ് മുരുകഭക്ത ഈയിടെ ദല്‍ഹി സന്ദശിച്ചിരുന്നു. ഇവരാണ് ചൈനയിലെ മുരുകഭക്തരുടെ എണ്ണം വര്‍ധിക്കുന്നതായി പറഞ്ഞത്.
ധാരാളം മുരുകഭക്തര്‍ ചൈനയിലുണ്ടെന്ന് പ്രൊഫ. യാന്‍ പറഞ്ഞതായി പ്രൊഫ. കെ.എസ്. രാധാകൃഷ്ണന്‍ പറഞ്ഞു. ദല്‍ഹിയില്‍ യാദൃച്ഛികമായി കണ്ടുമുട്ടിയപ്പോള്‍ യാന്‍ നെറ്റിയില്‍ ഭസ്മക്കുറി തൊട്ടിരുന്നെന്നും മുരുകഭക്തയായതുകൊണ്ട് താന്‍ ഭസ്മക്കുറി തൊട്ടിരിക്കുന്നതെന്നും അവര്‍ പറഞ്ഞപ്പോള്‍ കൗതുകമായി തോന്നിയെന്നും ഡോ. കെ.എസ്. രാധാകൃഷ്ണന്‍ പറഞ്ഞു.
ചൈനയില്‍ മുരുകഭക്തരുടെ എണ്ണം കൂടിവരികയാണെന്ന കാര്യം യാന്‍ പറഞ്ഞതായും ഡോ. കെ.എസ്. രാധാകൃഷ്ണന്‍ പറയുന്നു.
