തിരുവനന്തപുരം: ‘മില്മയുടെ വാര്ഷികാഘോഷ സമ്മാനം’ എന്ന വ്യാജേന ലിങ്കുകള് സഹിതം വാട്സ്ആപ്പ് വഴി പ്രചരിക്കുന്ന സന്ദേശങ്ങള് വ്യാജമാണെന്ന് മാനേജ്മെന്റ് അറിയിച്ചു. ഇത്തരം ലിങ്കുകളില് ക്ലിക്ക് ചെയ്ത് പൊതുജനങ്ങള് കെണിയില് വീഴരുതെന്നും ജാഗ്രത പാലിക്കണമെന്നുമാണ് മുന്നറിയിപ്പ്.
ആരും ഇത്തരം ലിങ്കുകള് ഫോര്വേഡ് ചെയ്യരുതെന്നും മില്മ അഭ്യര്ത്ഥിച്ചു.
വ്യാജ സന്ദേശങ്ങള് സാമൂഹ്യ മാദ്ധ്യമങ്ങളില് നിന്നും അടിയന്തരമായി നീക്കം ചെയ്യാനുള്ള നിയമനടപടികള് ആരംഭിച്ചുവെന്നും കുറ്റവാളികളെ കണ്ടെത്തണമെന്നാവശ്യപ്പെട്ട് പോലീസിലും സൈബര് സെല്ലിലും പരാതി നല്കിയിട്ടുണ്ടെന്നും മില്മ അധികൃതര് വ്യക്തമാക്കി. വ്യാജ ലിങ്കില് ക്ലിക്ക് ചെയ്ത് പണം നഷ്ടമായവര് പരാതി നല്കിയതോടെയാണ് ഈ ഔദ്യോഗിക വിശദീകരണം.
