ന്യൂഡൽഹി: ഇന്ത്യയും റഷ്യയും സംയുക്തമായി ചെറിയ ഹൈപ്പർസോണിക് ബ്രഹ്മോസ് മിസൈലുകൾ വികസിപ്പിച്ചെടുക്കാനുള്ള നീക്കവുമായി മുന്നോട്ട് . കര, കടൽ, വ്യോമ പ്രവർത്തനങ്ങൾ മെച്ചപ്പെടുത്തുന്നതിനായി പുതിയ മിസൈൽ വകഭേദങ്ങളും ഇന്ത്യയ്ക്ക് കൂടുതൽ കരുത്താകും. ബ്രഹ്മോസ് മിസൈൽ സംവിധാനത്തിന്റെ പുതിയ പതിപ്പുകളിൽ ഇന്ത്യയും റഷ്യയും ഒരുമിച്ച് പ്രവർത്തിക്കുന്നുണ്ടെന്ന് റഷ്യൻ അംബാസഡർ ഡെനിസ് അലിപോവ് തന്നെയാണ് വെളിപ്പെടുത്തിയത്.
ബ്രഹ്മോസ് മിസൈലിന്റെ ആദ്യ പരീക്ഷണ വിക്ഷേപണത്തിന്റെ 25-ാം വാർഷികം ആഘോഷിക്കുന്നതിനിടെയാണ് പുതിയ പ്രഖ്യാപനം . “ഇന്ന്, ചെറുതും ഹൈപ്പർസോണിക് വകഭേദങ്ങളും വികസിപ്പിക്കുന്നതിനുള്ള പ്രവർത്തനങ്ങൾ നടന്നുവരികയാണ്, ഇത് ഇന്ത്യൻ സായുധ സേനയുടെ മൾട്ടി-ഡൊമെയ്ൻ സ്ട്രൈക്ക് ശേഷി കൂടുതൽ വർദ്ധിപ്പിക്കും. കഴിഞ്ഞ വർഷം ഇന്ത്യയും പാകിസ്ഥാനും തമ്മിലുള്ള ഓപ്പറേഷൻ സിന്ദൂരിൽ ഇന്ത്യ 15-20 ബ്രഹ്മോസ് മിസൈലുകൾ തൊടുത്തുവിട്ടു, ഇത് നിരവധി പ്രധാന പാക്കിസ്ഥാൻ വ്യോമതാവളങ്ങൾക്ക് കേടുപാടുകൾ വരുത്തി“ എന്നും അലിപോവ് പറഞ്ഞു.
