കോട്ടയം: ബിജെപി നേതാവ് എൻ ഹരി റബർ ബോർഡ് ചെയർമാനാകും. ഉത്തരവിറക്കി കേന്ദ്ര സർക്കാർ. നിലവിൽ കോട്ടയം ബി ജെ പി മേഖല പ്രസിഡന്റും റബർ ബോർഡ് അംഗവുമാണ് ഹരി. ചെയർമാൻ സ്ഥാനത്ത് നിന്ന് ഡോ. സവാർ ധനാനിയ ഒഴിഞ്ഞ ശേഷം, വാണിജ്യ മന്ത്രാലയം സെക്രട്ടറിമാർക്ക് ചെയർമാന്റെ ചുമതല നൽകി വരികയായിരുന്നു.
റബര് ബോര്ഡിന്റെ ചരിത്രത്തില് ഈ പദവിയിലേക്ക് രാഷ്ട്രീയ രംഗത്തുനിന്നും എത്തുന്ന അപൂര്വ്വം നേതാക്കളില് ഒരാളാണ് എന്. ഹരി. മുമ്പ് കോണ്ഗ്രസിന്റെ കരുത്തനായ നേതാവും കെ.പി.സി.സി. അധ്യക്ഷനും പിന്നീട് മധ്യപ്രദേശ് ഗവര്ണ്ണറുമായിരുന്ന കെ.എം. ചാണ്ടിയായിരുന്നു റബര് ബോര്ഡ് ചെയര്മാന് സ്ഥാനത്തിരുന്ന പ്രമുഖ രാഷ്ട്രീയ നേതാവ്.
കോട്ടയം ആനിക്കാട് സ്വദേശിയായ എന്. ഹരി ബി.ജെ.പി. കോട്ടയം ജില്ലാ പ്രസിഡന്റായും മികച്ച രീതിയില് പ്രവര്ത്തിച്ച് പാര്ട്ടിക്ക് ജനസമ്മതി നേടിക്കൊടുത്ത നേതാവാണ്. കേന്ദ്ര വാണിജ്യ വ്യവസായ മന്ത്രാലയമാണ് 2026 ജൂൺ 10 മുതൽ മൂന്ന് വർഷത്തേക്ക് എൻ. ഹരിയെ ചെയർമാനായി നിയമിച്ചത്.
