ഹൈദരാബാദ്: തെലുഗു സൂപ്പര്‍ താരം രാം ചരണിന്റെ അയ്ചപ്പഭക്തി പ്രസിദ്ധമാണ്. ഈയിടെ ശബരിമലയ്‌ക്ക് പോകാന്‍ മാലയിട്ട രാം ചരണ്‍ ചെരിപ്പിടാതെയാണ് ഒരു വലിയ വിവാഹച്ചടങ്ങളില്‍ സംബന്ധിക്കാന്‍ ഭാര്യയ്‌ക്കൊപ്പം എത്തിയത്. അതും മലയ്ക്ക് പോകുന്ന സ്വാമിമാരുടെ കറുത്ത വസ്ത്രങ്ങളും അണിഞ്ഞുകൊണ്ട്. കല്ലും മുള്ളും കാല്ക്ക് മെത്തയാക്കുന്ന അതേ രാം ചരണ്‍ തന്നെയാണോ ഇപ്പോള്‍ വിജയം കൊയ്യുന്ന പെഡ്ഡി എന്ന സിനിമയിലെ സൂപ്പര്‍ സ്റ്റാര്‍ എന്ന് നമുക്ക് അത്ഭുതം തോന്നും.
തെലുങ്കില്‍ സൂപ്പര്‍ സ്റ്റാറാണെങ്കിലും കോടികള്‍ പ്രതിഫലം വാങ്ങുന്ന നടന്‍ ആണെങ്കിലും അകമഴിഞ്ഞ അദ്ദേഹത്തിന്റെ അയ്യപ്പഭക്തിയാണ് അണുവിട കളങ്കമില്ല. രാം ചരണ്‍ നായകനും അന്തരിച്ച ശ്രീദേവിയുടെ മകള്‍ ജാന്‍വി കപൂര്‍ നായികയുമായ ‘പെഡ്ഡി’ എന്ന സിനിമ കളക്ഷനില്‍ 300 കോടിയും കടന്ന് കുതിപ്പ് തുടരുകയാണ്.
വിജയനഗരത്തിലെ ഒരു പഴയ ഗ്രാമം അവിടെ ഒരു തീവണ്ടി സ്റ്റോപ്പ് നേടാന്‍ നടത്തുന്ന സമരത്തിന്റെ കഥയാണ് ഈ സിനിമ. ഈ സമരത്തിന് മുന്‍പന്തിയില്‍ നിന്നും പ്രായമുള്ള കാരണവര്‍ റെയില്‍വേ ട്രാക്കില്‍ വീണ് മരണമടയുന്നു. പിന്നീട് ആ ഗ്രാമത്തിന് വേണ്ടി പെഡ്ഡി എന്ന യുവാവ് പൊരുതുകയാണ്. രാം ചരണാണ് പെഡ്ഡിയുടെ വേഷത്തില്‍ എത്തുന്നത്.
