കൊച്ചി:കേരള വഖഫ് ബോര്ഡില് മുസ്ലിം ഇതര വിഭാഗത്തില്പ്പെട്ട രണ്ട് അംഗങ്ങളെ ഉള്പ്പെടുത്താത്തതില് സര്ക്കാരിന്റെ വിശദീകരണം തേടി ഹൈക്കോടതി. ബിജെപി സംസ്ഥാന ഉപാധ്യക്ഷന് ഷോണ് ജോര്ജ് നല്കിയ ഹര്ജിയിലാണ് ഇത്.
രണ്ടാഴ്ചയക്കകം മറുപടി നല്കണമെന്നാണ് നിര്ദേശം.2025ലെ വഖഫ് നിയമഭേദഗതി അനുസരിച്ച് ബോര്ഡില് രണ്ട് അമുസ്ലിം അംഗങ്ങള് ഉണ്ടായിരിക്കണം.ഈ നിബന്ധന പാലിക്കാതെയാണ് ബോര്ഡ് രൂപീകരിച്ചതെന്നും നിലവിലെ ബോര്ഡിന്റെ പ്രവര്ത്തനം നിയമവിരുദ്ധമാണെന്നും ഹര്ജിയില് പറയുന്നു.
ചീഫ് ജസ്റ്റിസ് സൗമെന് സെന് ഉള്പ്പെട്ട ബഞ്ചാണ് ഹര്ജി പരിഗണിച്ചത്. 2026ല് വഖഫ് ബോര്ഡ് പുന:സംഘടിപ്പിച്ചപ്പോള് ഒമ്പത് പേരെയാണ് സര്ക്കാര് നിശ്ചയിച്ചത്. ഇതില് എല്ലാവരും മുസ്ലീം സമുദായത്തില്പ്പെട്ടവരാണ്.
