കൊച്ചി: മലയാള സിനിമയിലെ സാങ്കേതിക പ്രവര്ത്തകരുടെ സംഘടന ‘ മാക്ട’ യുടെ വാര്ഷിക പൊതുയോഗം ഈ മാസം 27ന്. പുല്ലേപ്പടി ക്രോസ് റോഡിലെ ഫിലിം പ്രൊഡ്യൂസേഴ്സ് അസോസിയേഷേന് ഹാളില് രാവിലെ 10.30നാണ് യോഗം നിശ്ചയിച്ചിരിക്കുന്നത്.പുതിയ ഭരണസമിതി ചുമതലയേറ്റ ശേഷം നടക്കുന്ന ആദ്യ പൊതുയോഗമാണ് ഇത്.
മാക്ട തിരക്കഥാ മത്സരത്തിന്റെ സമ്മാനവിതരണവും ഇതോടൊപ്പം നടക്കും.മൊബൈല് ഫോട്ടോഗ്രാഫി മത്സര സമ്മാന വിതരണവും അംഗങ്ങളുടെ കുട്ടികള്ക്കുളള വിദ്യാഭ്യാസ മെറിറ്റ് അവാര്ഡ് വിതരണവും ഉണ്ടാകും.സംഘടനയുടെ ഓഡിറ്റ് ചെയ്ത വരവ് ചെലവ് കണക്ക് അവതരണം നടക്കും.
വിദ്യാഭ്യാസ മെറിറ്റ് അവാര്ഡിനായി അംഗങ്ങളുടെ കുട്ടികളില് 2026 ലെ എസ് എസ് എല് സി, പ്ലസ് ടു, സി ബി എസ് ഇ, ഐ സി എസ് ഇ പരീക്ഷകളില് ഉയര്ന്ന മാര്ക്ക് നേടിയവര് മാര്ക്ക് ലിസ്റ്റ് പകര്പ്പും പേരും ഫോണ് നമ്പരും സഹിതം ഈ മാസം 15ന് മുമ്പായി സംഘടനയുടെ ഓഫീസില് അപേക്ഷിക്കണം.
