ന്യൂദല്‍ഹി: നായാടി മുതല്‍ നമ്പൂരി വരെ ബിജെപിയ്‌ക്ക് വേണ്ടി ഒറ്റക്കെട്ടായി വോട്ട് ചെയ്തതാണ് ബിജെപിയുടെ വിജയത്തിന് അവിടെ കാരണമായതെന്ന് വിലയിരുത്തല്‍. (ഹിന്ദു ഐക്യത്തെക്കുറിച്ച് കേരളത്തില്‍ പറയുന്ന ശൈലിയാണ് നായാടി മുതല്‍ നമ്പൂതിരി വരെ എന്നത്. ബംഗാളിലെ പിന്നാക്ക ഹിന്ദുക്കളും മുന്നോക്ക ഹിന്ദുക്കളും ഒറ്റക്കെട്ടായി ബിജെപിയ്‌ക്ക് വോട്ട് ചെയ്തു എന്നേ ഈ പ്രയോഗത്തിന് അര്‍ത്ഥമുള്ളൂ. ). ബിനോജ് നായര്‍ എന്ന ഹിന്ദുത്വ വിരുദ്ധ, ജമാ അത്തെ ഇസ്ലാമി വക്താവായ രാഷ്‌ട്രീയ നിരീക്ഷകന്‍ ബംഗാളിലെ ബിജെപിയുടെ വിജയം വിലയിരുത്തിയപ്പോള്‍ നടത്തിയ കണ്ടെത്തലാണിത്.
കശ്മീരില്‍ ബോംബ് പൊട്ടിയാല്‍ ഹിന്ദുത്വവാദികളുടെ കയ്യുണ്ട് എന്ന് പറയുന്ന കടുത്ത ഹിന്ദുത്വ വിരോധിയായ ബിനോജ് നായര്‍ ബംഗാളിലെ മൂന്ന് മുസ്ലിം ഭൂരിപക്ഷ ജില്ലകളിലെ വോട്ടിംഗ് കണക്കുകള്‍ വിശദമായി പരിശോധിച്ചിരുന്നു. തൃണമൂല്‍ കോണ്‍ഗ്രസിന്റെ തോല്‍വിക്ക് കാരണം കണ്ടെത്തുകയായിരുന്നു ലക്ഷ്യം.
ത്തര ദിനാജ് പുര്‍, മാള്‍ഡ, മുര്‍ഷിദാബാദ് തുടങ്ങി മുസ്ലിങ്ങള്‍ക്ക് ഭൂരിപക്ഷമുള്ള മൂന്ന് ജില്ലകളിലെ മണ്ഡലങ്ങളെടുത്താണ് ബിനോജ് നായര്‍ പരിശോധിച്ചത്. അദ്ദേഹം കണ്ടെത്തിയ ഒരു ഞെട്ടിക്കുന്ന വസ്തുതയെന്തെന്നോ? മുസ്ലിം ഭൂരിപക്ഷമുള്ള മണ്ഡലങ്ങളില്‍ പോലും ബിജെപി ജയിച്ചിരിക്കുന്നു. ബിനോജ് നായര്‍ കണ്ടെത്തിയ മറ്റൊരു കാര്യം എസ് ഐ ആര്‍ മൂലം വെട്ടിപ്പോയ വോട്ടുകളില്‍ 63 ശതമാനവും ഹിന്ദുക്കളുടേതായിരുന്നു എന്നതാണ്. ബാക്കി മുസ്ലിം വോട്ടുകള്‍ മാത്രമേ ഈ മണ്ഡലങ്ങളില്‍ വെട്ടിപ്പോയിട്ടുള്ളൂ. പിന്നെയും ബിജെപി ജയിച്ചിരിക്കുന്നു. അതെങ്ങിനെ? പുല്‍വാമ ആക്രമണം നടന്നപ്പോള്‍ പോലും അത് അമിത് ഷാ ആസൂത്രണം ചെയ്തതാണ് എന്ന് വിലയിരുത്തുന്ന ബിനോജ് നായര്‍ക്ക് ഇത് സഹിക്കാവുന്നതില്‍ അപ്പുറമായിരുന്നു.
കോണ്‍ഗ്രസ് , സിപിഎം, തൃണമൂല്‍, ബിജെപി, ഹുമയൂണ്‍ കബീറിന്റെ പാര്‍ട്ടി, ഇന്ത്യന്‍ സെക്യുലര്‍ ഫോഴ്സ് എന്ന മറ്റൊരു മുസ്ലിം പാര്‍ട്ടി എന്നിവ പിടിച്ച വോട്ടുകള്‍ ബിനോജ് നായര്‍ പരിശോധിച്ചു. ഇതില്‍ അയാള്‍ കണ്ടെത്തിയ കാര്യം ഈ മണ്ഡലങ്ങളിലെ മുസ്ലിങ്ങളുടെ വോട്ടുകള്‍ എല്ലാം ഭിന്നിച്ചുപോയി എന്നാണ്. ഇത് കാരണമാണ് തൃണമൂല്‍ കോണ്‍ഗ്രസ് പരാജയപ്പെട്ടത്. പക്ഷെ മുസ്ലിം വോട്ടുകള്‍ ഒരു വശത്ത് ഭിന്നിച്ചപ്പോള്‍ മറുവശത്ത് ഹിന്ദുക്കളില്‍ നായാടി മുതല്‍ നമ്പൂരി വരെയുള്ളവര്‍ ഒറ്റക്കെട്ടായി ബിജെപിയ്‌ക്ക് വോട്ട് ചെയ്യുകയും ചെയ്തു എന്നതാണ് വാസ്തവം. ഇത് രണ്ടും കൂടി ചേര്‍ന്നപ്പോഴാണ് ബിജെപി വന്‍ വിജയം കൊയ്തത്. ഹിന്ദുക്കള്‍ ഒറ്റക്കെട്ടായി ബിജെപിയ്‌ക്ക് വോട്ട് ചെയ്യാന്‍ ഒരു കാരണമുണ്ട്. തൃണമൂല്‍ കോണ്‍ഗ്രസിന്റെ 15 വര്‍ഷത്തെ ഭരണം ഹിന്ദുക്കള്‍ക്ക് അങ്ങേയറ്റം വെറുത്തു പോയിരുന്നു.
റെഡ് ഫോര്‍ട്ടില്‍ അക്രമം നടന്നപ്പോള്‍ മുസ്ലിങ്ങളെ കുഴപ്പത്തിലാക്കാന്‍ വേണ്ടി ബിജെപിയും മോദിയും ആസൂത്രണം ചെയ്തതാണ് എന്ന് പറയാന്‍ മടിയില്ലാത്ത ബിനോജ് നായരെപ്പോലുള്ളവരുടെ ഉറക്കം കെടുത്തുന്ന ഒന്നായിരുന്നു ബംഗാളിലെ ബിജെപിയുടെ വിജയം.
